La nacia legendo diras, ke la prapatroj de la tu-oj estis mikssangaj posteuloj de mongoloj kaj huor-oj. Laudire huor-oj estis tuguhun-oj. Multaj fakuloj opiniis, ke la tu-oj estas posteuloj de la tuguhun-oj. Antaue la tu-oj sin okupis pri shafobredado. De post Ming-dinastio (1368-1644) ili entreprenis chefe terkulturadon kaj poste ankau brutobredadon. Hodiau la tu-oj ankorau shatas bredi shafojn.

    La tu-oj, chu viroj chu virinoj, shatas surmeti altkoluman veston kun delikataj kaj brilkoloraj brodajhoj. La viroj portas longan tolan robon. En malvarmaj tagoj ili aldonas peltan robon zonitan. La virinoj portas veston dekstre butonumita kun lozaj manikoj el 5 shtofpecoj en malsamaj koloroj. Kelkfoje ili surmetas ankau nigran veshton. Antaue ili havis komplikajn kapornamajhojn de 7-8 specoj, kiuj poste estis anstatauigitaj per novaj kaj simplaj. Ili portas ankau feltan chapon kun belaj brokajhoj .