En la regiono, kie vivas buji-oj, klaras riveroj kaj verdas montoj. Tie imponas la fama akvofalo Huangguoshu. Historiaj objektoj elterigitaj en la regiono atestas, ke la buji-oj apartenas al la agrikultura nacio, kiu de antikve lertas en riz-kulturado. Ilia vaks-tinkturita shtofo kun belaj desegnoj estas shatataj metiartajhoj kaj konservajhoj.

    La buji-aj kantoj elspiras tipan nacian trajton. Por geedzigha ceremonio la buji-oj kantas 2-3 kaj ech 6-7 tagojn. Tamburo el bronzo kun diversaj gravurajhoj sur si estas ilia plej antikva nacia muzikilo. Antaue preskau chiuj buji-aj vilaghoj posedis bronzan tamburon, kaj tamburado estas nemankigebla programero en festaj aktivadoj.

    La buji-aj viroj portas mallongan veston, pantalonon kaj kaptukon, kaj la virinoj veston kun largha basko dekstre butonumita kaj sin beligas per diversaj arghentaj ornamajhoj.

    La chefa festo de la buji-oj estas Festo de Bova Regho. En la festa tago (la 8-a tago de la kvara monato lau la china luna kalendaro) chiuj buji-aj familioj preparas bov-reghan kukon por kulti la prapatrojn, alvenigi la bovan animon kaj ripozigi la bovojn por esprimi amon kaj dankon al la lastaj.