En historiaj libroj antau pli ol 4 mil jaroj legighas notoj pri Nanman-triboj, el kiuj estis la prapatroj de la mjau-oj.

    La mjau-oj shatas aldoni epitetojn antau la nomo de la nacio lau siaj loghloko, vesto k.a., kiaj longjupa mjau, mallongjupa mjau, rugha mjau kaj nigra mjau. La mjau-oj lertas en brodado, vakstinkturado kaj farado de diversaj metiartajhoj. La mjau-aj virinoj sin beligas per arghentaj ornamajhoj, kiaj granda arghenta kolringo, interligitaj kolringoj, orelringoj kaj kapornamo. La muzikilo de la mjau-oj estas lusheng, blov-instrumento konsistanta el ses bambuaj tuboj. La granda longas je 2-3 m kaj la malgranda je apenau 30 cm. La junuloj shatas ludi muzikon per folio. En festaj tagoj dancoj akompanataj de muziko ludata per lusheng estas nemankigeblaj.

    La chefaj festoj de la mjau-oj estas la Novjara Festo, la Drakboata Festo kaj la Florkolekta Festo.