La chinaj kazahhoj havas longan historion. La usun-oj (la 2-a jc. a.K. -- la 2-a jc.) en Tianshan-montaro estis la prapatroj de la chinaj kazahhoj. Tiam ili starigis intimajn rilatojn kun nacioj vivantaj en la okcidento de Chinio, kiaj tughjue-oj kaj hujhu-oj. La nomo de la chinaj kazahhoj aperis meze de la 15-a jc. Nur malmultaj chinaj kazahhoj sin okupas pri terkulturado kaj plejparto entreprenas brutobredadon kaj tutjare vivas sur stepo. Ili pashtas, transportas, vojaghas kaj vivas chiam kun chevaloj. Chiuj chinaj kazahhoj lertas en chevalrajdado kaj fieras pri sia kromnomo "Nacio sur Chevaloj".

    La festoj de la chinaj kazahhoj havas ian rilaton kun religio. En festaj tagoj ili preparas shafajhon kaj okazigas konkursojn de rajdado, luktado kaj kaptado de shafo. La chinaj kazahhaj gejunuloj tre shatas la amuzadon "Persekutado de Knabinoj", char en la aktivado ili povas trovi amaton. La nacia muzikilo de la chinaj kazahhoj estas du- au kvarkorda instrumento nomata Dombra, kiu donas agrablajn melodiojn.