La hani-oj havis plurajn nomojn lau sia loghloko, kiaj Hani, Ajni kaj Hauni. Post la fondigho de la nova Chinio en 1949 ili ekuzis la unuigitan nomon Hani post interkonsiligho. Char la montregiono abundas je rojoj, la hani-oj kondukas akvon al la shtupar-kampojn sur montoj kaj sin okupas pri kulturado de rizo kaj industriaj arboj kaj flegado de te-ghardenoj. Ili ligas la nomon de la filo kun tiu de la patro. Ofte la nomo de la filo antauas tiun de la patro.

    La hani-aj viroj portas meze butonitan veston kaj pantalonon faritaj el hejme teksita kaj tinkturita shtofo en blua koloro kaj kapveston en nigra au blanka koloro, kaj la virinoj veston sen kolumo borderitan per pasamento, pantalonon au jupon longan au kun multaj faldoj, sin beligas per orelringoj kaj orelpendajhoj, au per arghenta kolcheno, grandaj arghentaj braceletoj kaj arghentaj ornamajhoj sur la brusto.

    La Festo de la Deka Monato lau la china luna kalendaro estas la novjara festo de la hani-oj, dume ili reciprokas vizitojn kaj manghas kukojn faritajn el glueca rizo. La alia grava festo de la hani-oj estas la Festo de la Sesa Monato lau la china luna kalendaro, dume ili buchas bovon por kulti la prapatron, bruligas torchon por forpeli la malsanojn, luktas, kantas kaj dancas.