Orochen signifas homon sur monto au homon posedanta boacojn. La orochen-aj viroj estas elstaraj chevalrajdantoj kaj arkpafantoj. Ili ege lertas en chasado, bone sciante vivkutimojn de diversaj sovaghaj bestoj. Ghis la 40-aj jaroj de la 20-a jc. ili vivis ankorau en primitiva nomadismo: la chasajhoj estis egale distribuataj inter la tribanoj. Nun ili havas fiksloghejon. Ili forlasis la chasadon kaj farighis protektantoj de arbaroj kaj sovaghaj bestoj. La orochen-oj estas tre lertaj en farado de diversaj objektoj el betula shelo, kiaj vestoj, shuoj, skatoloj, korboj, siteloj, kestoj kaj ech boatoj, kun belaj desegnoj.