Antau 2_000 jaroj antikvaj lau-oj jam enloghighis en Guizhou kaj vivis el terkulturado. Poste iuj el ili transloghighis al aliaj lokoj kaj ekportis la nomon Gelau. En Qing-dinastio (1644-1911) iuj gelau-oj laboris kiel forghistoj kaj faris plugilojn kaj chaspafilojn. Pro tio ili estis nomataj forghisto-gelau-oj.

    La gelau-oj sin okupas chefe pri terkulturado. Ili kulturas maizon, rizon, tritikon, bataton k.a. Longtempe vivante kun han-oj, la gelau-oj havas vivkutimon similan al tiu de la han-oj. Sed ili ankorau konservas multajn morojn de sia nacio, kiaj kulturaj aktivadoj, festaj ceremonioj kaj manghokutimoj. En la tagoj de la Printempa Festo la gelau-oj preparas grandan kukon el glueca rizo por kulti la prapatrojn. La gelau-oj en iuj lokoj havas kutimon buchi kokon por kulti la plantidojn kaj teron au la dion de la monto.