La shibe-oj pretendas, ke ili estas posteuloj de la shjanbej-oj vivantaj antikve en norda Chinio. Unue iliaj prapatroj vivis nomadisme che la orienta piedo de la Granda Xing'an-montaro. Che la 4-a jc. iuj el ili suden migris kaj poste alighis al Han-nacio. La malmultaj vivis ankorau en nordorienta Chinio. En 1764, 1064 shibe-oj, kaj iliaj 2 mil familianoj estis senditaj al Xinjiang por garnizonado. La nunaj shibe-oj en Xinjiang estas iliaj posteuloj. La shibe-oj en nordorienta Chinio vivas de chasado kaj fishkaptado, kaj tiuj en nordokcidenta Chinio -- de rizkulturado kaj brutobredado. La shibe-oj en la du lokoj havas malsamajn trajtojn. La shibe-oj en nordorienta Chinio havas la lingvon, vestadon kaj vivkutimon similajn al tiuj de la han-oj kaj manchuroj, kaj tiuj en Xinjiang konservas siajn tradiciajn morojn, char ili loghas dense, malofte kun aliaj nacianoj. Ekz., la tieaj shibe-aj virinoj portas robon dekstre butonumitan, longan ghis la piedoj, kaj la viroj mallongan veston kaj pantalonon kun krurumoj ligitaj che la maleoloj. En malvarmaj tagoj ili aldonas longan robon dekstre butonumitan, kun fendoj che ambau flankoj.

    Iliaj chefaj manghajhoj estas laktajhoj.