Evenk signifas homojn vivantajn en arbaro sur monto. La prapatroj de evenk-oj vivis en arbaro sur monto en la supra baseno de Heilong-rivero oriente de la lago Bajkalo kaj sin okupis pri chasado, fishkaptado kaj bredado de boacoj. Poste ili etendighis orienten kaj vivis kune kun mongoloj, daur-oj, han-oj kaj orochen-oj sur stepo kaj milda okcidenta deklivo de la Granda Xing'an-montaro. En la malnova Chinio la evenk-oj vivis nomadismon sub la sistemo de la primitiva patriarka klana komunumo. Post la fondigho de la nova Chinio en 1949 la evenk-oj starigis arojn da novaj vilaghoj, fiksloghighis kaj adiauis la nomadisman vivon. En pashta regiono la evenk-aj knaboj eklernas chevalrajdadon en juna agho kaj poste lazadon kaj bredadon de chevaloj. Lazado de chevalo kaj cheval-vetkuro estas plej gravaj programeroj por evenk-aj festoj.