La tombo el brikoj estas unuchambra kun dekliva trapasejo. Ghi estas ebena kvadrato kun arkaj lateroj. La restajhoj estas blanka marmora cherko, okangulaj blankaj marmoraj kolonoj kaj shton-skulptajhoj de ofer-homkapoj. La plej valoraj estas la reliefaj bildoj, koloritaj kaj arghentitaj, sur la bazo kaj kvar flankoj de la cherko. La dekoritaj figuroj, vestoj, akcesorajhoj, fishoj, floroj kaj birdoj en la bildoj elspiras fortan guston de mez-azia kulturo. La tombo estas ununura arkeologia eltrovo ghis nun elfosita en la meza kaj malsupra baseno de la Flava Rivero, kio reflektas la kulturon de Mez-Azio. Ghi estas ankau la sola tombo elfosita per scienca metodo kaj kun preciza kronologia registro. Ghi kun richaj restajhoj estis bone konservita. Ghi havas grandan signifon en esplorado pri kulturaj intershanghoj inter Chinio kaj okcidentaj landoj dum la Nordaj Dinastioj kaj Sui-dinastio, kaj en esplorado pri la Silka Vojo kaj la historio de urbo Jinyang.