10-jara esplorado de la norda parto de Mogao-grotaro estis finita. Mogao-grotaro estas ankau konata kiel "Milbudhaj Kavernoj". En la suda parto estas 492 grotoj, kaj en la norda parto estas pli ol 200 grotoj, kun malmultaj freskoj kaj budhostatuoj interne. Antaue la nordaj grotoj estis rigardataj kiel loghejoj de la artistoj kaj pentristoj laborantaj por konstruado de la suda parto, tial ili estis neglektataj antaue.

    En 1988 la Dunhuang-a Esplora Akademio ekspedis tachmenton al la norda parto por efektivigi plenampleksan arkeologian esploradon kaj prifosadon. En 1996 la "programo de arkeologia esploro kaj studo de la norda parto de Mogao-grotaro, Dunhuang" estis listigita kiel shlosila objekto en la sociaj sciencaj esplor-programoj de la shtato en la 9-a Kvin-jara Plano. La tachmento esploris kaj prifosis la 243 grotojn unu post alia en la norda parto. Ilia unua jugho estis, ke la grotoj estis uzataj chefe por aranghi vizitantajn monahhojn, au por metidado au funebrado. Granda nombro da fragmentoj de sutroj estis eltrovitaj de tie. Ili estis en la 7 lingvoj han-a, tibeta, ujgura, sanskrita, okcident-xia-a, mongola kaj siria, el kiuj la lastaj 3 estis unuafoje trovitaj. La plej valoraj trovoj estas la "Ora Fragmento" en la lingvo de Okcidenta Xia kaj fragmentoj de la "Originala Sutro de Ksitigarbha", la sola konata ekzistanta kopio en la mondo. De tie oni trovis ankau nombron da persaj arghentaj moneroj, moneroj de Okcidenta Xia, bone konservita ujgura ligno-klisha tipo, fajencajhoj,lignajhoj kaj tekstilajhoj, chiuj estas tre valoraj.