Sesdek signalfajraj turoj de Han-dinastio (202 a.K.-16 p.K) estas eltrovitaj en la urbo Fushun, Liaoning-provinco, nordorienta Chinio. Ili estas parto de la Granda Muro, defenda sistemo, konstruitaj dum regperiodo de imperiestro Wudi de Han-dinastio (156-87 a.K.), en la orienta parto de Liaoning-provinco, etendighantaj de oriento al okcidento en la distanco de 150 km.

    Ekde 1998 la urbo ekserchis la originan sidejon de la Granda Muro kaj en pli ol unu jaro 40 signalfajraj turoj de Han-dinastio estis trovitaj. Tiu grava eltrovo donis gravan ateston por difini la amplekson de la antikva Granda Muro.

    Ekde printempo 1999 granda esplor-tachmento organizita de la Instituo de Historiaj Objektoj kaj Arkeologio en Liaoning-provinco trovis pli ol 40 signalfajrajn turojn che la riveroj Hun kaj Suzi en Fushun,se plus la 20 signalfajraj turoj trovitaj en la 80-aj jardekoj, la sumo estas 60.

    Tiuj turoj estis faritaj el tero kaj shtonoj, en la formo de rondaj montetoj kun larghaj bazoj kaj malgrandaj suproj. Ilia meznombra alteco estas 2 au 3 m., dum la bazo larghas 5-8 m. Rokmuraj fundamentoj estis trovitaj chirkau la turoj. Oni supozas, ke eble tie estis loghloko de garnizonantoj siatempe.