Porcelanaj bakujoj kaj bluaj porcelanajhoj antau nelonge malkovritaj en la ruino de bakfornoj de Hongzhou, Fengcheng, Jiangxi-provinco, donis atestojn, ke la loko estis unu el la luliloj de porcelana produktado de Chinio. La ruino de Hongzhou-bakujoj de Fengcheng estas historia loko protektata de la shtato. La prifosado estis efektivigita de grupo da fakuloj de la Arkeologia Instituto de Historiaj Objektoj de Jiangxi-provinco kaj la Arkeologi Fakultato de la Pekina Universitato. La novaj eltrovoj datighis de la 1-a ghis la 4-a centjaro (dum la periodoj de la dinastioj Orienta Han, Tri Regnoj kaj Okcidenta Jin). La eltrovo de granda nombro da bakkestoj kaj altkvalitaj porcelanajhoj de la Okcidenta Jin (265-316) fruigis la datighon por uzado de bakkestoj por porcelanajhoj de la 5-a jarcento (Sudaj Dinastioj) al la 3-a jarcento (Okcidenta Jin). Uzado de bakkestoj por porcelana produktado estis china invento.

    La Hongzhou-bakujo estis unu el la ses famaj bakujoj en Tang-dinastio. Arkeologoj prifosis la bakujon tri fojojn. Ili prifosis 27 rektangulajn unuojn kaj malkashis areon de 568 kvadrataj metroj. Entute 11985 pecoj de diversaj bakfornaj iloj kaj bluaj porcelanajhoj estis elterigitaj. 5 bakfornoj konstruitaj en la dinastioj Sui kaj Tang estis malkovritaj. La du bone konservitaj el ili estas metitaj sub protektado.

    La elterigitaj objektoj ampleksas bluajn porcelanajn potojn, bovlojn, tasojn, pelvojn, shtonajn inkfrotujojn, grandajn kaj malgrandajn tasojn, incensujojn, larghbushajn kruchojn kaj pladojn, chiuj estas fajnaj, brilaj kaj glate glazuritaj. La nove elterigita blua ronda inkfrotujo kun du akvujoj estas la plej valora objekto.

    La desegnaj teknikoj sur la bluaj porcelanajhoj de la bakujoj Hongzhou estis originalaj. La desegnajhoj chiuj estis popularaj dum Tang-dinastio. La variaj produktajhoj, kuriozaj modeloj kaj harmonie rafinitaj desegnajhoj kaj dekoracioj montras, ke la tekniko de Hongzhou-aj porcelanajhoj atingis novan altecon en Tang-dinastio.

    La bakkestoj en diversaj periodoj montris evidentajn diferencojn. Ili pruvis, ke oni ekuzis la bakkestan teknikon almenau en la Okcidenta Jin-dinastio. La esploroj kaj elfosado konfirmis, ke la ruino de Hongzhou-aj bakujoj estis grandaj. Pli ol 20 antikvaj porcelanaj bakfornoj estis en 18 vilaghoj sub Fengcheng che Ganjiang-rivero.