La 16-an de septembro 1999 la registaro de Shaanxi-provinco publikigis gravan informon pri arkeologia prospektorado kaj parta prifosado de la Mauzoleo Yangling de la Okcidenta Han-dinastio.

    La tombejo Yangling, la imperiestra mauzoleo de la Okcidenta Han-dinastio (202 a.K-16), dorminte subtere ch. 2100 jarojn, estis prifosita en la pasintaj jaroj. Tie oni trovis nombron da kolore pentritaj argilaj figuroj kaj 90 grandajn kunentombigitajn kavojn proksime de la mauzoleco, kun totala areo de pli ol 7 mil kvadrataj m. En la kavoj estis granda nombro da historiaj objektoj. Ankau estis elfosita tombejo de kunentombigitoj, la plej granda ghis nun trovita en Chinio. La konfirmitaj 5 mil kunentombigitaj tomboj kovras areon de 3.5 kvadrataj kilometroj. El la elfositaj 280 kuntombigitaj tomboj oni elterigis pli ol 5 mil pecojn kaj kompletojn de diversspecaj historiaj objektoj.

    La Mauzoleo Yangling estas la eterna ripozejo de Liu Qi, imperiestro Jingdi de Han (188-141 a.K.) kaj lia edzino, GhI situas sur la altebenajho Xianyang en Shaanxi-provinco. Ghi estas la plej orienta el la 9 mauzoleoj de la Okcidenta Han-dinastio en Xianyang.

    Ekde 1991 ghis oktobro 1994 grandskala arkeologia prifosado kaj esplorado de Yangling estis farita. El la ruino, kiu konsistigas nur 1h13 de la areo de la kunentombigitaj tomboj, elterighis ch. 600 kolorpentritaj argilaj figuroj kaj 4 mil historiaj objektoj.

    Esplorado konfirmis, ke la argilaj figuroj en Yangling estis faritaj tiamaniere: Unue oni faris la figurojn, post tio kolorigis ilin per la samaj koloroj, kiaj tiuj de la haroj kaj hauto, almuntis al ili moveblajn lignajn brakojn kaj fine vestis ilin. Pro tempopaso la vestoj kaj lignaj brakoj putrighis kaj ili farighis nudaj figuroj, tamen la koloroj restis brilaj kiel en la komenco.

    Tiuj senbrakaj argilaj figuroj altas ghenerale 62 cm. Kaj la shultroj estas ebenaj kun ronda truo en la mezo. Ili estis tre versimilaj.