De oktobro 1997 ghis la fino de 1999 la Arkeologia Instituto de Yunnan-provinco kaj Muzeo de Lufeng-gubernio elfosis dinosaurajn fosiliojn en la vilagho Laochangqing, Lufeng-gubernio, Yunnan-provinco. Oni trovis 8 pecojn de individuaj dinosauraj fosilioj.

    Matene de frua julio 1995 Lo Jiayou, tiea kamparano laboris sur sia parcelo kaj "krak!" lia shpato frapis je la "pordo" de trezorejo. Ooste li eksciis, ke li tiam staris ghuste sur dinosaura fosiliaro, la plej granda en la mondo. La unua fosilio elfosita de li estis en grandeco de terpomo. Post esplorado oni konis, ke ghi estas dinosaura fosilio kaj proksime kushis multege da tiaj fosilioj. La loko sin trovas 300 km. fore de la norda flanko de la Kunming-Chuxong-a Shoseo.

    Kun aprobo de la koncernaj departementoj de la loka registaro, la Arkeologia Instituto de Yunnan-provinco kaj la Dinosaura Muzeo de Lufeng-gubernio lanchis la unuaperiodan prifosadon en februaro 1997. Oni elfosis 4 dinosaurajn fosiliojn sur purpura rok-argila stratumo (de la jhurasa periodo de la mezozoika erao). Ghis nun oni trovis 120 dinosaurajn fosiliojn.

    Specialistoj kredas, ke tiuj dinosauroj vivis antau 160 milionoj da jaroj en malfrua meza jhuraso.

    Nun la loka gubernia registaro ellaboras planon pru protekto kaj disvolvo de la ruino de dinosauroj. La Shanhaja Natura Muzeo alighis al la esplora kaj protekta laboro. Oni diras, ke che la ruino konstruighos ampleksa instalajho el scienc-esplora bazo, halo de scienca popularigo kaj turisma loko.