Dek Gravaj Arkeologiaj Eltrovoj en l999
Nova Elkovro de Porcelanaj Bakujoj de Tang-dinastio en Jiangxi
(aprilo 9,1999)
Sesdek Signalfajraj Turoj de Han-dinastio
(oktobro 15, 1999)
Grandaj Budhistaj Turoj de la Okcidenta Xia (oktobro 22, 1999)
Mauzoleo de la Okcidenta Han Prifosita (septembro-
oktobro 25, 1999)
Kulturo de Tang-dinastio kaj Bohai-regno
(januaro 5, 2000)
La plej Fruaj Fosilioj de Ostfishoj (februaro 26, 1999)
Ruino de Homaj Fosilioj Eltrovitaj che Wuxia-Gorgho de Yangzi-rivero (decembro 2,1999)
Dinosauraj fosilioj en Lufeng, Yunnan-provinco
(januaro 19, 2000)
Urbo en la regperiodo de la suverenoj Yao kaj Shun
(junio 6, 2000)
Grava Arkeologia Malkovro che Mogao-grotaro, Dunhuang
(junio 11, 2000)
Mistera Han-tombo che Laoshan-monteto
(aprilo 8, 2000)
 

Grandaj Budhistaj Turoj de
la Okcidenta Xia (oktobro 22, 1999)

กกกกSur montodeklivo malpli ol cent m. okcidente de Helan -monto en la Ningxia-a Huj-nacia Autonoma Regiono, okcidenta Chinio, arkeologoj prifosis 3600 kvadratajn metrojn kaj trovis 62 fundamentojn de budhismaj pagodoj, kiuj kashighis subtere plurajn jarcentojn. Estis elterigitaj ankau ch. 100 delikate faritaj miniaturaj pagodoj, malgrandaj budho-statuoj kaj iom da cindro kaj duonbruligitaj hom-ostoj. La buntaj pentrajhoj sur kalkitaj fundamentoj restas brilaj.

    La alteco de la plej granda turfundamento restas 0.6 m., kaj tiu de la plej malalta nur dekkelkaj cm. La plej granda fundamento havas diametron de 3.5 m. kaj tiu de la malgranda -- malpli ol du m. La fundamentoj estas en tri bazaj formoj: kruca, okangula kaj kvadrata. Estas 57 fundamentoj krucformaj, 3 kvadrataj kaj 2 okangulaj.

    La 62 budhhaj pagodoj lokighis senorde, sen ajna klasigo de superulo kaj subulo. La malkovro montris, ke la konstruado de la pagodoj dauris longan tempon. La chambroj interne de la pagodoj estas diferencaj en grandeco kaj la pagodoj estis konstruitaj el diferencaj materialoj, kiaj shtonoj, brikoj kaj adoboj. Arkeologoj trovis, ke preskau chiuj pagodoj kovrighis per tavolo da kalko ch. du centimentojn dika, sur kiu vidighas kolorrichaj bildoj.

    Shajnas, ke la turoj ne konstruighis en la sama tempo. Blua briko kun skribsignoj uzitaj de la Okcidenta Xia kaj kvar moneroj elterigitaj el la ruino provizis gravajn donitajhojn por datigho de la pagodoj. La moneroj indikas, ke la pagodoj eble konstruighis inter la prospera periodo de Okcidenta Xia (1038-1227) kaj Yuan-dinastio (1271-1368). Estas ankau elfositaj el la ruino malgrandaj argilaj statuoj de Budho kaj Bodisatvo, glazuraj turbazoj, glazuraj eroj kaj pecoj de porcelanajhoj. Kvankam plejmulte el ili difektighis, tamen ili estas ankorau valoraj kiel por arkeologio.

    La ruino estas tre valora por esplorado pri la temploj de la Okcidenta Xia, konstruado de pagodoj, tibeta budhismo kaj la disvastigado kaj evoluado de la kulturo de Okcidenta Xia, kaj ghiaj politiko, ekonomio kaj historio.

 

 

(C) China Internet Information Center   (China Interreta Informa Centro)
E-mail:
webmaster@china.org.cn   Tel: 86-10-68996214/15/16