Oni faris esploradon kaj malkovron en la areo de ch. 500 mil kvadrataj metroj en la la botforma urbo. Sin apogante sur montaj klifoj, la urbo sin shirmis per rokoj che mildaj montkurbighoj.

    La urbo kun tri pordoj estis dividita en du partojn: surmontan kaj submontan. Sur la monto estis elterigitaj gvatturo, akvokonservejo, kazernosimilaj grupoj de konstruajhoj kaj restajhoj de la malfrua neolitiko, Printempo kaj Autuno, Militantaj Regnoj, la dinastioj de Okcidenta kaj Orienta Han, Wei, Jin kaj Liao. Ch. 1 mil pecoj de diversaj objektoj, kiaj fajencajhoj, shtonoj, porcelanajhoj, bronzajhoj kaj ferajhoj estis trovitaj. Post prifosado la dimensio, arangho kaj strukturo de la monturbo jam estis konfirmitaj. Estas konataj la trajtoj de konstruado kaj konstruaj teknikoj de la frua monturbo de Koguryo. Tio donis gravajn atestojn por prognozi, ke la monturbo, au urbo Heshenggu eble estis frua chefurbo de Koguryo. Tio estas nova eltrovo en la nordoriento de Chinio. La eltrovo de neolitikaj kulturaj restajhoj, precipe grupo da ruinoj kaj restajhoj de la frua periodo de Koguryo, provizos novajn materialojn por fruigi la daton de Koguryo-kulturo, por fondi la kronologion de la antikva kulturo de la regiono Huanren kaj por studi ghian kulturan geneologion.