Oni prifosis areon de pli ol 6 mil kvadrataj metroj kaj trovis abundon da historiaj objektoj, kiuj montras la periodojn de neolitiko ghis la dinastioj Shang kaj Zhou, la periodoj de Printempo kaj Autuno kaj Militantaj Regnoj, la dinastioj Okcidenta Han, Wei, Jin kaj Ming. La tomboj estas diversstilaj: teraj tomboj, shtonaj cherkoj en teraj tomboj, tomboj kovritaj per grandaj shtonplatoj, grupo da shtonaj tomboj kun granda shtona kovrilo, grupo da shtonaj tomboj kun au sen shtuparetoj kaj platformo. Tie estis trovita ankau komuna tombo de 40 korpoj, plejparte virinaj. La grupo da shtonaj tomboj kun au sen shtuparetoj kaj platformo reflektas specialan funebran moron dum la periodo de Koguryo.

    La ses arkeologiaj kulturaj restajhoj stadigitaj dum la elfosado spegulas ses novajn kulturajn tipojn. La restajhoj de neolitiko kun klaraj stratifikajhoj estas la unuafoje eltrovitaj en la suda parto de Jilin-provinco. La eltrovo de fajenca li (antikva kuirioo kun tri kavaj kruroj) de la dua stadio de la epoko de la bronzo refutis la konvencian hipotezon, ke li ne estis uzita en la meza kaj supra basenoj de Yalu-rivero. La elterigitaj tristadiaj mallonga bronza spado kaj mulditaj modeloj montris, ke muldado jam aperis en la nuna Jilin dum la periodoj Printempo kaj Autuno kaj Militantaj Regnoj. La kvarastadiaj trancheoj chirkau montoj montris, ke la ruino estis granda vilagho en la Okcidenta Han-dinastio. Oni supozis, ke ghi datighis de la frua etapo de Koguryo. La fajencajhoj de la kvina stadio estighis en la meza kaj lasta periodoj de Koguryo, vidiginte miksajhon de la kulturoj de la Centraj Ebenajhoj kaj la loko. La divido de stadioj de la restajhoj kunigantaj Koguryo-kulturon kun la loka kulturo de la epoko de la bronzo havos gravan influon sur studo pri la epoko de la bronzo en la Nordorienta Azio kaj la restajhoj de Koguryo.