Tio estas la dua tombo de markizo de Han-dinastio, neshtelita kaj nefosita, eltrovita en Hunan, post tiu en Mawangdui che Changsha. La tombo estas rektangula vertikala kavo, kun dekliva trapasejo al la tombo. Estas 2 flankaj chambroj en la sudo kaj nordo respektive. La cherko estas ankorau bone konservita. La kunentombigitaj objektoj plejparte kushis en la kvar flankoj en kaj ekster la cherko.

    Estis elterigitaj entute pli ol 500 objektoj, kiaj lakitaj lignajhoj, fajencajhoj, bronzaj, jada sigelilo kaj truita rondjado. Estis trovitaj ankau ch. mil bambuaj slipoj. La objektoj estis delikate faritaj kun granda nombro da pinglotranchitaj desegnoj. La beleskribitaj ideogramoj sur la bambuaj slipoj estas sufiche klaraj por legi. Ili enhavas kvar kategoriojn: libroj, punoj, familiaj registroj kaj kuirarto. La lastaj du estas aparte gravaj. La familiaj registroj notis la nombrojn de familioj de diversaj distriktoj en la regno de la markizo Yuanling en la Okcidenta Han-dinastio. La kuirarto notis la materialojn kaj ingrediencojn de diversaj dietoj kaj kuirmetodoj, kaj per tio oni shtopis la brechon en la scio de antikva kuirarto.

    La tombmastro estis Wu Yang, filo de Wu Chen, princo de Changsha. Li estis la unua markizo de Yuanling. Li markizighis en 187 a.K. kaj mortis en162 a.K. La eltrovo de la tombo donis tre valorajn materialojn por studo de la historio de la tiama socio.