Prifosita en l999, la ruino kovras 1700 kvadratajn metrojn en Jiaozuo, Henan-provinco.Meze de la ruino oni trovis ruinon de frua urbo de Shang-dinastio, ramitajn fundamentojn kaj dombazojn. La ruino estis en formo de kvadrato. Ghia okcidenta muro estas ch. 2 m. alta, 300 m. longa kaj 4-8 m. largha. La norda muro -- ch. 300 m. longa kaj 2-3 m. alta. La orienta muro -- ch. 300 m. longa.La suda muro havas nur subteran bazon. La bazo de la muro, ghenerale ch. 15 m. largha kaj 0.9 m. profunda, estis fosita unue, kaj poste primetita per tabuloj kaj fine firme ramitaj. La ramita fundamento n-ro 1 trovighas che la nordorienta parto de la urbo, en la formo de rektangulo, 70 m. longa de sudo al nordo kaj 40 , m. largha de oriento al okcidento. La loko estis dividita en du kortojn, en la centro de ili estis chefhalo. Sub la fudamentoj n-roj 1, 2, kaj 3 vidighis tavolo de Erlitouh-kulturo. La elterigitaj fajencajhoj estis faritaj chefe el griza argilo. La elfositaj diversformaj potoj estas similaj al tiuj de Erlitou-kulturo.

    La ruino estas alia grava eltrovo post eltrovoj de la urbaj ruinoj de Shang-dinastio che Zhengzhou kaj Yanshi en Henan-provinco. La nova eltrovo havas akademian valoron por esplorado pri la materia kulturo kaj socia vivo de Shang en Henan-provinco.