8 sinkintaj shipoj de Tang-dinastio kaj shtona kajo de Song-dinastio estis trovitaj che la suda flanko de la Granda Kanalo. En l999 oni elterigis 3 sinkintajn shipojn. La sinkinta shipo n-ro 1, el ligno, estas rektangula, kun bone konservitaj fundo kaj poba stirio. Sur la transtrabo de la posta kajuto estas 3 vazistasoj, en kiuj la teniloj de la direktilo estis lokitaj por direkto-shangho. La shipo n-ro 2 estas pirogo el tuta arbotrunko. La shipo n-ro 3 havas duonon de la shipkorpo kun kun parto de planko.

    La fundamento de la urbomuroj de Yuan-dinastio, du m. alta kaj la special-formaj angulaj terasoj en la interna urbo donis atestojn por identigi la strukturon kaj dispozicion de la urbo, kaj la konstruan aranghon. La esplorado montris, ke tie estis 4 pordoj en la interna urbo, 3 pordoj en la meza urbo, akvovojo, kaj en la plej bone konservita loko de la ekstera urbo vidighis restajhoj de ramitaj terasoj de urbomuro ch. unu m.altaj. En la tri urboj estis trovitaj ankau ruinoj de konstruajhoj, inkluzive de fundamentoj de H-forma palacaro kun klara akso kaj simetria arangho de konstruajhoj. Estis elterigitaj ankau altkvalitaj konstruaj materialoj kaj komponantoj, kiaj skulptita drakokapo el blanka marmoro kaj besto el glazura tegolo.

　　La kajo el rektangulaj shtonoj trovighis sude de la kanalo. Ghiaj orienta kaj okcidenta flankoj estis fortikigitaj per ramita tero. Ghi estis kajo por var-transportado. Tio estis la unua eltrovo de restajho de kajo de la Granda Kanalo de la dinastioj de Sui kaj Tang. Liuzi-gubernio estis grava loko che la Akvovojo Tongji dum la dinastioj de Sui, Tang kaj Song. La eltrovo montris, ke ghi estis ne nur var-transporta kajo, sed ankau granda komerca loko. La granda nombro da valoraj dekikataj porcelanajhoj, produktitaj en diversaj bakfornoj de Tang kaj Song, estis elterigitaj. La objektoj, en variaj formoj, estas bone konservitaj, plejparte el ili estas bonkvalitaj. Precipe la eltrovo de porcelanajhoj de Liao-dinastio che la Granda Kanalo en norda Anhui havas certan signifon por esplorado pri trafiko en la dinastioj de Yuan kaj Song.