Arkeologoj faris esploradon en areo de 300 mil kvadrataj metroj kaj trovis la antikvan urbon, konsistintan el urboj interna, meza kaj ekstera. Oni prifosis areon de 1430 kvadrataj metroj kaj trovis platformon de la centra palaco de la interna urbo, superan palac-pordon kaj angulan terasan strukturon en speciala formo, kaj multe da valoraj konstruaj komponantoj kaj materialoj, kiaj shtonoj, ceramikajhoj, ferajhoj, bronzajhoj kaj lignoj.

　　La fundamento de la urbomuroj de Yuan-dinastio, du m. alta kaj la special-formaj angulaj terasoj en la interna urbo donis atestojn por identigi la strukturon kaj dispozicion de la urbo, kaj la konstruan aranghon. La esplorado montris, ke tie estis 4 pordoj en la interna urbo, 3 pordoj en la meza urbo, akvovojo, kaj en la plej bone konservita loko de la ekstera urbo vidighis restajhoj de ramitaj terasoj de urbomuro ch. unu m.altaj. En la tri urboj estis trovitaj ankau ruinoj de konstruajhoj, inkluzive de fundamentoj de H-forma palacaro kun klara akso kaj simetria arangho de konstruajhoj. Estis elterigitaj ankau altkvalitaj konstruaj materialoj kaj komponantoj, kiaj skulptita drakokapo el blanka marmoro kaj besto el glazura tegolo.

　　La eltrovo donis novan kaj solidan ateston al esplorado pri urba arangho de Yuan-dinastio.