|
Che
mauzoleo de verda majo
Jen mi vizitas vin che l' mauzoleo
marmora, kiam oras la autun'.
Kvietas la pinarboj kaj aleo,
lazur' muaras linde en lagun'.
La milita teruro en paseo
kashighas jam: karesas brile l' sun'
la teron, kiun tretis per pereo
militkrimuloj spite al la pun'.
Sed vi batalis en la ter' por
paco
kun chinoj, la spirito sankte buntas,
kaj l' amikec' en niaj koroj fundas.
Vi donis l' amon al popolamaso.
Nun, en la mondo shvebas via kanto,
mi kondolencas vin en Esperanto!
La
suno de kantono
Vi estas sorcha belulin' hontema,
vin kashis chiam post la nubtavolo.
Sopiras mi al via charm' miena.
Tamen nur tremis via aureolo.
Subite, vi de nubkurten' eliras,
ekstazon donas al mi la favoro:
Via kares' ardanta varme giras
tra mia tuta korpo (de nordulo),
kaj via fajra amo min inspiras.
Galante mi balbutas sen skrupulo,
pasio cindrighinta jam ekflamas.
Mi refreshighas inter via brulo.
Kaj vi mucidajn tagojn pli balzamas...
Sur
taishan-monto
Mi fine grimpas sur vi, Taishan-monto,
jen, che la Suda Chielpordo staras.
Chirkaue nuboj shvebantaj muaras,
farighas al chielo jada ponto.
Forfluas tra paseo tempa ondo,
la historio chie kalendaras:
Poemoj de Li Bai, Du Fu rivalas,
inspiroj shprucas plu el via fonto;
Parad' imperiestra jam malhelas,*
cipresoj oldaj drajas freshe, vigle;
kaligrafajhoj sur rokoj fabelas...
Incensoj antau budhfiguroj pigre
fumas, al pinto kabla charo celas.
Turismas shikaj gejunuloj migre...
|
