Semajnfina Seminario en Israelo

    Ekzistas mito ke UK ofte mortigas au serioze skuas la movadon de la organizinta lando. Shajnas ke almenau ghis nun, duonjaron post la Tel Aviva UK, en Israelo okazas la malo. La vigla informado en la amasmedio logis multajn informpetojn kaj sufichan kernon por lanchi en Tel Avivo novan e-kurson, kiu sukcese funkcias jam plurajn monatojn.

    Ankau la landa movado viglighis: en la Zamenhofa Festo en decembro cheestis proksimume 80 e-istoj -- signife pli ol en antauaj jaroj. Komence de marto, la Esperanto-Ligo en Israelo (ELI) unuafoje organizos tutlandan semajnfinan seminarion. Se iuj el vi hazarde planas viziti Israelon venontmonate, ili estas kore invitataj partopreni -- chi sube estas la informo pri la seminario.

    La loko - la trankvila urbo ARAD - trovighas en la suda dezerta parto (Negev) kun agrabla klimato tiutempe kaj interesaj naturaj promenejoj kaj vidindajhoj.

    Vi kaj viaj familianoj estas afable invitataj partopreni landan Semajnfinan Seminarion kun la temo: KIA STRATEGIO POR ESPERANTO EN ISRAELO.

    La seminario okazos je la 9-10 marto de 2001 (vendredo kaj sabato, Purim) en ARAD.

    Ni intencas diskuti serioze (hebree au Esperante), kaj forlasi la seminariejon kun konkretaj decidoj!

    Kiel en chiu Esperanta renkontigho, ni ankau ripozos, kaj krome ludos, spektos la esperantan kriman filmon "Angoroj", kaj sabate ni ekskursos al NAHAL PERES: facila kaj belega promenado, kiu taugas ankau por infanoj -- piedirado de 2-3 horoj.

    Diskuttemoj: Kreskado de nia movado, E-kursoj, informado, kelkjara strategio.

    Seminariejo: Gastejo Blau-Weiss: chambroj kun dusho+necesejo, kaj aerklimatizilo. (strato Atad 4, Arad. Telefono: 08-9957150)

    Kotizo (inkluzivas: Tranokto + matenmagho + solena vespermangho):

159 sikloj - homo en dulita chambro

102 sikloj - infano (2-18-jara)

209 sikloj - homo en unulita chambro.

    Kontaktu: Doron Modan, Tel: 03-5364822

Nava Cinori, Tel: 03-5326848 / 053-303635

(Esperanto-Ligo en Israelo, Amri Wandel)