DANCU!
DANCU!
Dancu! Dancu!
Svingu l' krurojn,
lulbalancu
la plezurojn!
Vin turnadu kiel turbo!
Sido, staro estas kulpo!
Dancu pando,
dancu nano,
dancu manto,
dancu rano!
Kantu arde! Dancu arte!
Dancu salte kaj senhalte!
NOBLA
HOMO
La bela vorto "Homo"
ja estas nobla nomo.
Fiulo malbonema
egalas al demono.
Por esti homo vera,
restadu vi sincera,
helpema, simpatia,
afabla, nefiera.
MALVARMUMO
Malvarmumo
estas puno
al malzorgo
pri kostumo.
Iuj strebas
nur al belo,
sed neglektas
pri vetero.
Pli ol charmo
gravas varmo.
Spitu ne al
frost-alarmo!
LA
SUNO SONGhAS
La suno songhas pri la luno;
la luno songhas pri la suno.
la suno kaj la lun' diskutas
Pri la printempo kaj autuno.
"Printempo estas la plej bona,
printempe floras chiuj floroj."
"Autuno estas la plej bona,
autune fruktas la laboroj!"
Jen ghardenisto intervenas: "
Ja ili ambau valorplenas.
Printempo florojn al ni portas;
autune fruktojn ni rikoltas."
