Filozofio
kaj realo
de
MAO ZIFU*
|
| Pordo |
Akvo
kaj aero |
|
nenio estas pordo.
tra ghi povas pasi chio
forma au senforma.
kaj kia poz' ne gravas -
stara au rampa.
pordo estas chio.
nenio trans ghin povas pasi,
nek forma nek senforma.
pordoj simbolo nuras
sur solida muro.
ech tiel, chiam kun seruro.
sen seruro pordoj estas fenestroj.
|
nebulo
el akvo
drivas tra sur aero.
nuboj
de akveroj
super aero flosas.
aero ventighas.
akvoj sin interbatalas
per sango kaj larmoj de aero.
akvoj sub aero
fluas infre inferen.
aero estas aero. |
| Aritmetiko |
Krepuske |
|
se ne estus la serpento.
se ne la arbo.
se unu ne ighus du.
gravito el du.
du en gravito.
du unuighemas.
se ne estus unu,
la du ne trovighus.
se la du sin disigas,
la unu nulas.
aritmetikon la infanan
ne komprenas plenkreskuloj.
|
krepuske
che fenestro
inter pozitiv' kaj negativo
nulo pulsas tra fluidoj. montaro elmergighas.
folioj sinetende
au male estas sub okuloj.
vivo kaj morto
lauas sur eterno.
flugaj naghaj
rampaj kuraj.
en mia busho
kaj mi el en tero
uf |
| Por
kio |
frukto for de arbo
por manghati.
fisho el akvo
por pecigati.
vi for de mi
por kio?
la manoj apenau premitaj
disas palpebrume.
semo for de trunko
por nova vivo.
fisho el akvo
por eviti sufokighon.
vi
for
de
mi
por kio?
hardi niajn plumojn!?
|
|
| *La autoro
naskighis en 1963 en Hunan-provinco de Chinio kaj instruistighis
en 1984. Paralizighinte pro trafika akcidento en 1985, li komencis
lerni Esperanton. En la pasintaj jaroj li publikigis serion da Esperantaj
poemoj kaj noveloj. En 1995 li gajnis la premion "Nova Talento"
en la beletra konkurso okazigita de UEA. Nia revuo raportis pri
li en la 2-a numero, 1996. |
