En la fino de la 19-a jarcento kaj la komenco de la 20-a jarcento Esperanto enkondukighis en Chinion el Japanio kaj aliaj landoj. Tiam japana samideano Oosugi Sakae instruis Esperanton al chinaj studentoj Liu Shipei, Zhang Ji, Jing Meijiu kaj Qian Xuantong, kiuj lernis en Japanio. Unuflanke ili diskonigis Esperanton per "Egaleco" kaj aliaj revuoj, kaj aliflanke ili okazigis kurson por kulturi esperantistojn. En 1908 Lusin partoprenis en la Esperanta kurso gvidata de Zhang Ji. Post lernado Lusin profunde konis la historion de la internacia lingvo, idealon de Zamenhof kaj trajton de Esperanto. Tio metis solidan ideologian bazon por lia simpatio kaj subteno al Esperanto.