Atestanto de la demokratia revolucio de Chinio

    Hujucz naskighis en la 9-a de septembro 1896. Li pasigis siajn infanjarojn en imperiestra epoko. Kiam li havis 15 jarojn, la imperiestra reghimo estis anstatauita de la respubliko. Kiam li plenkreskis, Chinio estis atencata de orienta kaj okcidentaj potencoj kaj preskau koloniighis; kaj por regpotenco kaj propraj interesoj chinaj militaristoj batalis inter si, ke la ekonomia depresio pli kaj pli gravis kaj la popolanoj pli kaj pli mizere vivis. Tamen intelektuloj estis serchantaj la elirejon de la lando kaj tiun de la popolo kaj de si mem. Fine la nefleksebla china popolo starighis, lanchis naci-liberigan militon kontrau la agresantoj kaj venkis. Post la fondigho de la popola respubliko mezagha Hujucz sin donis al la socialisma konstruado. La bela revo de la homaro, kiun li havis dum longa tempo, parte realighis.

Fervora socia aktivulo

    Post la forpaso de Hujucz la china popolo donis al li multajn titolojn, kiaj socia aktivulo ( li klopodis por unuigi diversflankajn patriotojn kaj batalis por la sendependeco kaj liberigho de la china nacio), shtata aktivulo (li estis vicprezidanto de la China Popola Kongreso), politikisto, diplomato, eldonisto, erudiciulo, analizisto pri internaciaj problemoj, juristo, verkisto, tradukisto, filologo, fakulo pri reformado de la china skriba lingvo kaj aktivulo de E-movado.

    Li meritis chiujn tiujn titolojn, tamen plej shatis la titolon: aktivulo de E-movado. Li estis la plej elstara propagandanto kaj organizanto de E-movado. Li meritis la titolon de unu el la plej kreivaj aktivuloj ne nur de Chinio, sed ankau de la mondo. Li zorgis pri Esperanto kiam ajn kaj kie ajn. Li chiamaniere asociis Esperanton kun sia idealo kaj lerte uzis tiun lingvon en aktivadoj politika, socia, kultura kaj eduka, kiujn li entreprenis. Dum sia vivo li laboris silente. Nur post lia forpaso oni subite rimarkis, ke li postlasis siajn spurojn en multaj kampoj, kiaj politika, diplomatia kaj kultura, tial oni pli komprenas lin, pli sopiras al li.