Kiu scias pli multe
Filo demandis la patron:
"Chu la patroj scias pli multe ol la filoj?"
"Certe," respondis la patro.
"Kiu inventis vapormashinon?"
"James Watt."
"Kial do lia patro ne inventis tion?"

Abstrakta pentrajho

Anstatau plenumo de hejmaj taskoj de pentrajho, knabo donis al la instruisto nur blankan paperon.
"Kie estas la pentrajho?" demandis la instruisto.
"Jen, chi tie," la knabo montris la paperon.
"Kion vi pentris sur ghi?"
"Bovo manghas herbojn."
"Kie estas la herboj?"
"La bovo formanghis."
"Kie la bovo?"
"Char tie jam ne estas herboj, kial do la bovo ankorau restas tie?"

Mi forjhetas ilin tuj

En vespero virino fanfaronis pri sia richeco: "Mi ofte lavas mian brilianton per varmeta akvo, la rubenon per rugha vino, la smeraldon per brando kaj la safiron per fresha lakto. Kiel vi faras?" Shi demandis la apudan maljunulinon.

"Oh, mi neniam lavas ilin," respondis la maljunulino. "Se ili malpurighas, mi forjhetas ilin tuj."

Adoro

Filma stelo sidis en vestiblo de hotelo. Iu ghenulo riprochis lin. La stelo diris nenion kontrau ties humiligo. Sed du filmofanatikulinoj apud la stelo ne povis toleri tion kaj batis lin ghis li forkuris.

La filmstelo dankis la virinojn kaj demandis unun el ili: "Chu vi vere vangfrapis lin per via bela maneto?"

"Jes," shi respondis, kaj la stelo kisis shian manon.

Kiam la stelo sin turnis al la alia virino, tiu diris laute: "Mi mordis lin per dentoj."

Lumturo

En nebula nokto sur senlima maro krozshipo trovis, ke antau ghi vershajne estas militshipo. Ghi do donis signalon: "La antaua shipo sin turnu maldekstren je 15 gradoj!" Post momento ghi ricevis la saman signalon: "La antaua shipo sin turnu maldekstren je 15 gradoj!" La krozshipo estis mirigita kaj refoje donis la saman signalon kaj aldonis: "Se ne, vi mem respondecu pri la sekvajho!" Post momento ghi denove ricevis tute saman respondon. Ekbolighis la krizshipo kaj triafoje donis la signalon: "Turnu vin maldekstren je 15 gradoj. Chi tie parolas militshipo!" Post unu minuto ghi ricevis lumsignalon: "Turnu vin maldekstren je 15 gradoj. Alie, vi mem respondecos pri la rezulto. Chi tie estas lumturo!"

Kio estas felicho

Tri sinjoroj diskutis pri felicho.

A diris: "Kiam vi, laca, revenis hejmen kaj trovis, ke via pantofloj estis varmigitaj apud la forno. Tio ja estas felicho."

B diris: "Nenio romantika trovighas chi tie. Se vi hazarde renkontis junan kaj belan virinon kaj ghoje pasigis kelke da tagoj kun shi. Fine vi ambau disighis kun ghojo. Tio ja estas vera felicho."

C diris: "Vi ambau eraris. La vera felicho estas tio: Kiam en songho vi audis frapadon je la pordo frumatene, vi malfermis la pordon kaj vidis policanon, kaj tiu diris al vi: S-ro D, vi estas arestita. Kaj vi respondis: Pardonon, S-ro D, kiun vi serchas, estas en la najbara domo."

Glaciajho degelos post longa tempo

Patrino revenis hejmen kaj petis siajn du filinojn helpi shin prepari tagmanghon.

Tiam la pliagha filino kun intereso legis libron pri Afriko, dum la malpliagha amuzighis. Audinte la vokon de la patrino, la malpliagha eniris en kuirejon. Post kelkaj minutoj shi petis helpon de la fratino, kiu tamen respondis: "Mi ne estas hejme. Nun mi estas en Afriko. Chi tie floras palmoj kaj dancas belaj papagoj."

Audinte tion, la malpliagha revenis en kuirejon. Post momento shi revenis al la fratino.

La pliagha rimarkis, ke la fratino ion manghas. Shi demandis: "Kion vi manghas?" "Glaciajhon. Tio ja estas la dua peco. Mi jam formanghis la mian kaj nun la vian." La pliagha kolerighis: "Kial vi manghas la mian?"

La malpliagha respondis: "Panjo ne scias, kiam vi revenos de Afriko. La glaciajho degelos post longa tempo."

Rakontoj de la patro

Tom chiam estas tre ghoja, se la patro rakontas rakonton antau lia endormigho. Jen la patro komencis sian rakonton sidante antau lito de la filo:

"Antaue estis malgranda rano..."

"Pachjo, mi volas fikcian rakonton."

"Bone. En la spaco estas malgranda rano…" rakontis la patro.

"Pachjo, hodiau estas semajnfino. Chu vi volontos rakonti al mi tion, kiu ne taugas por infanoj?"

"Bone. Sed ne diru tion al la patrino."

"Ho, jes," ghoje diris Tom.

"Estas nuda rano..."

Fanfarono

Eksterlanda turisto vizitis fruktoghardenon. Li fanfaronis:

"En mia lando la oranghoj estas grandaj kiel piedpilkoj kaj bananarboj kiel turo."

Li, fanfaronante, levis la kapon kaj retirighis. Subite li falis sur akvomelonojn. Kaj audighis kriado de hortikulturisto:

"Estu atentema! Ne damaghu miajn vinberojn!"