Shanghebla staturo de filino
La patrino volis iri al koncerto kune kun la filino. Antau eliro shi metis en sian mansakon paron da altkalkanumaj shuoj. La filino miris kaj la patrino klarigis al shi: "Infano malpli alta ol 1 metro ne estas permesata eniri en teatron, sed en tiu paro da shuoj vi superos 1 metron." "Do mi nun portu ilin sur mi." "Ne," la patrino diris, "sed tiam vi altos pli ol 1 metron kaj devos pagi por autobuso!"

Vi jam saghighis

Junulo venis al kuracisto kaj petis: "Bv. recepti por mi medikamenton, kiu saghigos min." La kuracisto konsentis. Post semajno revenis la junulo: "Mi sentas, ke mi restas neniom pli sagha ol antaue." Kaj la kuracisto konsilis daurigi prenadon de la medikamento. Pasis plia semajno kaj la junulo revenis: "Mi ankorau ne sentas, ke mi estas iom pli sagha ol antaue. Shajne vi ne havas tian medikamenton, chu ne?" "Jes, vi jam saghighis," respondis la kuracisto kun rideto.

Freneza vorto

Oni muelis kolektivan tritikon en muelejo. Eniris maljunulo. Li malfermis sian sakon kaj komencis plenigi ghin per tritiko. Oni baris al li kun kolero: "Ho avo, kial vi plenigas vian sakon per alies tritiko?" Kaj la maljunulo diris: "Mi estas duonfrenezulo." Chiuj ekridis de lia respondo kaj moke demandis: "Sed estante duonfreneza, kial vi ne plenigas alies sakon per via tritiko?" Che tio la maljunulo respondis kun nenia honto: "Se tiel, mi estus tute freneza."

Dentoeltiro

Viro venis al dentisto por peti lin eltiri lian malbonan denton. Sed li havis grandan timon kaj la kuracisto longe kuraghigis lin. Post longa hezito la viro diris: "Mi ne timos, se mi trinkos du tasojn da vino."

La kuracisto kontentigis lin kaj demandis: "Shajne nun vi ne timas?" La viro suprenvolvis la manikojn, rondigis la okulojn kaj diris: "Jes! Kiu audacos tushi mian denton, kun tiu mi batalos!"

Fidela ripeto

Direktoro Li estis ripozanta en kanapo. Sonoris telefono kaj la filo eniris kun voko: "Pachjo, iu de via fabriko vokas vin pro urgha afero." "Diru al li, ke mi ne estas hejme." "Haloo, mia patro diris, ke li ne estas hejme."

Sugesto

Instruisto de matematiko demandis lernanton: "Kiom faras duono kaj duono?" La lernanto ne povis respondi. Kaj la instruisto refoje demandis lin kun sugesto: "Kiom da pano vi havos, se vi achetos unuafoje duonan panon kaj duafoje ankorau duonan?" "Sed oni neniam vendas duonan panon."

Sprita bofilino

Sprita bofilino pretigis rizon kaj petis la bopatron al mangho. Gustumante unuan bushon da rizo, la bopatro laudis: "Hodiau la rizo estas bone kuirita." La bofilino tuj diris: "Tion mi preparis."

La bopatro prenis duan bushon da rizo kaj krako audighis en lia busho. La bopatro tuj ekkriis: "Ho, kiom da sablo en la rizo!" Kaj la bofilino tuj klarigis: "Bofranjo purigis la rizon."

Post tio la bopatro flaris la rizon kaj plendis: "Ho, mi flaris odoron de karbighinta rizo." Kaj la sprita bofilino tuj sin ekskuzis: "La bopanjo prizorgis la fajron."