Konfuceo ne sciis la anglan lingvon

Parolante pri la lernopoentoj de sia filo, la patrino veis: "La anglalingva nivelo de mia filo estas malalta, do antau ekzameno mi kondukis lin al la templo de Konfuceo por peti progreson, tamen li ankorau malsukcesis en la ekzameno." Shi demandis s-ron M pri la kialo, kaj li respondis senpripense: "Kompreneble, char Konfuceo ne sciis la anglan lingvon."

Pastro kaj senlaborulo

Pastro demandis senlaborulon: "Kien vi volus iri post via morto, paradizon au inferon?"

"Tien, kie estas laboro," respondis la senlaborulo.

Forjhuro

Estis instruisto, kiu pasie amis fumadon. Kiam li gvidis kurson, la tabaka odoro ege ghenis la lernantojn. Plurfoje lin admonis liaj lernantoj, sed vane.

Iutage lernanto W legis artikolon en jhurnalo pri damagho de fumado, do li proponis ghin al la instruisto kaj poste demandis la lastan, chu li ankorau fumos.

"Jen, fumado estas tiel terura!" la instruisto volvis la jhurnalon, jhetis ghin en paperkorbon kaj forjhuris, frapante la bruston per la manoj: "Mi ne plu legos jhurnalon."

Pro pluvego chiuj hastas sur strato, sed iu homo iras tre malrapide. Oni miras kaj demandas al li: "Kial vi ne iras rapide?" La homo aplombe respondas: "Estas vane. Jen, ankau antaue pluvas."

Kuiri bambuajhon

Iu nordano gastis en la sudo, tiea loghanto regalis lin per bambushoso kuirita.

Li demandis: "Kio tio estas?"

La sudano respondis: "Bambuajho."

Reveninte hejmen, la nordano sopiris al bongusto de la bambuajho kaj kuiris sian bambumaton, sed neniel povis fari ghin manghebla. "Kiel ruza la sudano estas!" li kolere diris al sia edzino.

(Solvo de la enigmoj en la lasta numero: limako, sunfloro , arakido kaj akvo.)