|
Ili liberigis sin el minaco de aideso | |||||||||||||
Shangcai-gubernio trovighas en Henan-provinco. Ghi estas malricha. Tie estas Wenlou-vilagho. En 1996 parto de la vilaghanoj suferis de stranga malsano. La simptomoj similis al tiuj de gripo: malalta febro, gorgha doloro, lakso kaj malforteco. Ilia malsano neniom mildighis post injekto kaj preno de medikamentoj. En 1999 kelke da junaj vilaghanoj mortis de tiu malsano, kio metis la tutan vilaghon en timon. La afero vekis atenton de koncernaj departementoj de la loko. La epidemi-preventa stacio de la gubernio ekzamenis sangon de kelkaj vilaghanoj kaj la rezulto montris, ke la antikorpo de HIV de 6 specimenoj da sango estis pozitiva. Oni kun miro eksciis, ke la stranga malsano estas aideso. HIV infektas tra tri kanaloj: seksa kaj transfuza disvastigo kaj infekto de la patrino al bebo. Sed kial tiom multe da kamparanoj infektighis de aides-viruso en la postighinta natura vilagho? Oni diris, ke pro malbonaj naturaj kondichoj, multaj vilaghanoj vivtenis sin per vendo de sango. Iam en 1993-1995 la sanga stacio kolektis sangon per anormala metodo. La malpura sang-eltira instrumento kauzis krucan infektighon kaj pro tio pluraj vilaghanoj estis trafitaj de aideso. Vendo de sango iomete mildigis ilian malrichecon, tamen ili pagis je la kosto de sia vivo. La higiena departemento faris 7-foje enketon pri aideso en la vilagho kaj trovis, ke el la 3170 vilaghanoj 1310 iam vendis sangon kaj el ili 498 infektighis je aides-viruso. La vilaghanoj infektighintaj je aides-viruso en 1996 jam falis en malsanon kaj ghis nun 37 el ili mortis. La afero vekis grandan atenton de la Shtata Konsilantaro de Chinio kaj ghia Higiena Ministerio. La sinteza grupo de la centra registaro por preventi kaj kuraci aideson venis tien por fari ekzamenon, preskribi medikamentojn kaj senpage instrui al ili koncernajn sciojn. Por solvi la malfacilojn de aidesuloj, komence de 2001 la vilagho establis klinikon, kie kuracistoj kaj flegistinoj de proksimaj hospitaloj faras medicinan servon al la vilaghanoj. Por ke la loko havu medicinistojn por eterne, fakuloj el Pekino ne nur kuracas, sed ankau instruas siajn lokajn kolegojn, kune ellaboras kuracan planon kontrau diversaj komplikajhoj kaj faras apartan trejnadon de la tieaj kuracaj kaj laboratoriaj funkciuloj kontrau aideso. Kun pligrandighanta apelacio de diversnivelaj registaroj pri prevento kaj kuraco de aideso de la tieaj loghantoj la centra registaro pagas la kuracadon de la malsanuloj, komence duonon kaj poste la tuton. Nun la vilaghanoj de Wenlou povas esti kuracataj senpage. La Higiena Ministerio de Chinio informis, ke la laboro kontrau aideso en Wenlou estas nur komenco de la tuta plano kaj en la estonteco la laboro dauros en pluraj periodoj. Ghi ellaboris kvin-jaran planon kontrau aideso, lau kiu oni bone faros savadon kaj kuracadon en Wenlou, kaj krom tio en la gubernio Shangcai oni establos reton por regi aideson kaj en la gubernia epidemi-preventa stacio -- popularan ekzamenejon kaj realigos ekzamenon de antikorpo de HIV al geedzighontoj. Nun la produktado kaj vivo en Wenlou estas bonordaj, socio stabila kaj la popolo trankvila kaj la vilagho iom post iom sin liberigas el la ombro jhetita de aideso. Rilataj artikoloj: Kontrauaidesa propagandanto Pu Cunxin La tuta mondo ekagu kontrau aideao!
| |||||||||||||
|