La
nomitaj ludiloj havas chiu siajn proprajn trajtojn. La arto
por fari argilajn ludilojn heredighas generacio post generacio.
La artajhoj estas farataj kadre de familio, vilagho, subdistrikto
kaj gubernio. En Hebei-provinco estas kelkaj vilaghoj de argilaj
homfiguroj au ludiloj kaj grandan renomon ghuas la argilaj ludiloj
de Yutian-gubernio de la provinco.
La modlitaj
argilaj ludiloj de Yutian estas bele koloritaj. Lau la formoj
estas du specoj de argilaj ludiloj globaj kaj reliefaj. La versimilaj
argilaj pavoj, anasoj, kokoj, ranoj kaj aliaj bestetoj estas
plejparte kneditaj. La homfiguroj, kiaj simioregho Sun Wukong,
oficistoj, militistoj, talentuloj kaj knabinoj, estas plejparte
reliefaj, simple konturitaj kaj bele koloritaj. La homoj viglas
sur iom pufigita fono. La plej tipaj estas argilaj beboj, herooj
de popolaj rakontoj kaj roloj de teatroj. La argila ludilo "Knabo
sur unukornulo" simbolas felichon kaj bonauguron. "Porko Bajie
kun edzino sur la dorso", farita lau mita romano "Pilgrimado
al la Okcidento", romantike interesas la rigardantojn. La argilaj
"Ok Feoj" prezentas ok feojn kun malsamaj seksoj, aghoj, mienoj
kaj vestoj. Iuj argilaj ludiloj, kiujn shatas infanoj, havas
sur si fragmitan fajfilon kaj serene sonas je ekblovo.
Rilata materialo:
Metiartisto
Liu Guangtian