Chi-jare, unu lernolibro por sociaj studoj en mezlernejoj (por 12-14 jaraj lernantoj), kompilita de "Societo por Fari Novan Lernolibron de Historio" vokas riprochojn en kaj ekster Japanio. Ech la reviziaj opinioj de la Ministrejo de Edukado, Kulturo, Sporto, Scienco kaj Teknologio ne shanghis la esencon de la montrita lernolibro. Ni vidu fragmenton el ghi pri kelkaj temoj.

    Pri aneksado de Koreio al Japanio en 1910

    Pri la "Granda Orienta Azio" kaj aziaj landoj

    Pri masakrado en Nankino

    Mi skribis, ke la revizio ne shanghis la esencon. Tio ne estas mia persona jugho, sed profesoro Nishio Kanjhi, chefo de la Societo mem esprimas, ke "Ni akceptis postulatajn reviziojn en parto, kaj tio povas esti esprimita kiel sinhumiligo. Sed niaj ideoj, distingaj de la marksista vidpunkto de historio, ankorau restas en la lernolibro."

    Estas tute nature, ke la aziaj popoloj indignas pro tiu chi lernolibro. Registaroj, jhurnaloj, civitanoj kune levis protestajn vochojn. Vidu la ekzemplojn:

    Chefministro Mori respondis en la Parlamento, la 1-an de marto: "Estas tre bedaurinde, ke diversaj vochoj venas el eksterlando. Tia ne devas esti." Chu "eksterlandaj vochoj" estas intervenaj?

    Ni vidos la Komunan Deklaracion de Japanio kaj Koreio, pretigitan de ambau registaroj: "Chefministro Obuchi modeste akceptas historiajn faktojn, ke nia lando donis multe da damagho kaj sufero al la korea popolo sub la kolonia regado en la pasinta tempo, kaj ni esprimas akran repripenson kaj elkoran pardonpeton."

    Jen la Komuna Deklaracio de Japanio kaj Chinio en novembro de 1998: "Ni akre sentas respondecon, ke ni donis al la china popolo grandan katastrofon kaj damaghon en la pasinta tempo, kaj esprimas profundan repripenson pri tio."

    Ili estas internaciaj aferoj sed ne enlanda. Se la japana registaro permesos tiajn lernolibrojn, kiuj staras kontrau la internaciaj deklaracioj, ili ne povos eviti riprochojn de la internacia socio.