Pri aneksado de Koreio al Japanio en 1910

    ORIGINALO: Japanio aneksis Koreion... La aneksado estis necesa por defendi sekurecon de Japanio kaj ties interesoj en Manchurio, ... tamen ghi ne chiam kauzis profiton. Ghi estis entreprenita lauleghe lau la principoj de internaciaj rilatoj.

    REVIZIITA: Japanio rezolutis kun la anekso uzante forton malgrau la protesto en Koreio. La japana registaro konsideris, ke la anekso de Koreio estas necesa por sekureco de Japanio kaj ghiaj interesoj en Manchurio. Britio, Usono kaj Rusio ne protestis pro tio ke la aneksado de Koreio fare de Japanio kauzos stabiligi orientan Azion. Kvankam en Koreio trovighis opinioj por akcepto de la aneksado, okazis forta rezisto kontrau perdigho de la nacia sendependeco, kaj la movado por reakiri sendependecon persiste dauris post tio.

 

    Pri la "Granda Orienta Azio" kaj aziaj landoj

    ORIGINALO: Rezulte de venko de japanaj armeoj en frua etapo de la Milito de Granda Orienta Azio, levighis tendenco al la sendependeco inter aziaj nacioj... (en la Konferenco de la Granda Orienta Azio, okazigita en Tokio) la Komuna Deklaracio por la Granda Orienta Azio, kiu esprimis sendependecon kaj nuligon de rasa diskriminacio, estis unuanime akceptita. ...Japanaj armeoj hisis liberigon de Azio kiel unu el la celoj de la milito... Okazis geriloj kontrau Japanio, sed tamen Japanio rekonis ilian sendependecon, kiun europaj landoj kaj Usono neniam akceptis dum centoj da jaroj.

    Tiel, okaze de la antauenmarsho de Japanio al sudaj landoj, la ondoj al sendependeco en kolonioj de europaj landoj ne haltis, kaj la monda mapo post la Dua Mondmilito tute shanghighis.

    REVIZIITA: Venkoj de japanaj armeoj super aliancaj landoj en la frua etapo de la Granda Orient-Azia Milito donis kuraghon al la aziaj popoloj... En novembro de 1943, la Konferenco de la Granda Orienta Azio estis okazigita en Tokio kun reprezentantoj el chi tiu regiono. En la konferenco estas unuanime akceptita la Komuna Deklaracio por la Granda Orienta Azio, kiu esprimis memstaran sendependecon de chiuj landoj kaj nuligo de rasa diskriminacio.

    Sed sub la Granda Orient-Azia Kunprospera Sfero, oni trudis edukadon de la japana lingvo kaj preghon al shintoismaj sanktejoj, kiuj kauzis repushon de la popoloj en tiuj landoj. Multaj mortis kaj vundighis en la areoj kie rezidis japanaj armeoj. Pro tio Japanio pagis reparacion al tiuj landoj post la malvenko. Ankau la ideo de la Granda Orient-Azia Kunprospera Sfero estis kritikita, ke tio estas levita por pravigi la militon de Japanio kaj okupadon de Azio... Antauenmarsho de japanaj armeoj en la sudon faris unu el shancoj por la sendependeco de aziaj landoj, kiuj restis kolonioj de europaj landoj dum longa tempo.

 

    Pri masakrado en Nankino

    ORIGINALO: Chi tiu Tokia Tribunalo rekonis, ke Japana armeo mortigis pli ol 200 mil chinojn che la konkero en Nankino en 1937. Sed lau tiamaj materialoj, estis 200 mil loghantoj, kaj post unu monato ili pligrandighis al 250 mil. Krom tio trovighas multe da duboj kun chi tiu afero, kaj la disputo dauras ech nun. Kvankam ekzistis iom da mortigo dum milito, sed tio ne estas speco de holokausto au similaj.

    REVIZIITA: Chi tiu Tokia Tribunalo rekonis, ke japana armeo mortigis multe da chinoj kiam japana armeo okupis Nankinon en 1937 dum la milito inter Japanio kaj Chinio. Sed pri chi tiu afero trovighas multaj duboj ankau sur materialoj..., trovighas pluraj opinioj, kaj la disputoj dauras ech nun.

 

    Protestaj vochoj el azia socio

    Vizaghe al la fakto, ke la japana registaro falsis sian agresan pasintecon per reviziado de historia lernolibro, la azia socio esprimis fortajn proteston kaj riprochon.

    Jen "Bankock Post" de Tajlando: "Japanaj politikistoj, kiuj agitas ultranaciismon nun devas lerni el la historio."

    Jen la chefsekretario de la Unio de Asocioj de Chinoj en Malajzio: "Mi scias, ke la chefministro Mori estas reakcia persono. Estas bone konata fakto, ke japanaj ne raciaj politikistoj ripetas eldiron por pravigi la agresan militon, sed se sciencistoj partoprenas en la ago por falsi pasintan historion, ilia kulpo estas pli granda. Mi esperas, ke la japana registaro posedos kuraghon instrui la faktojn al la juna generacio. Se tio ne estas ebla, mi esperas aperon de pli raciaj politikistoj."

    Jen s-ro Im Zeon Sok, korea deputito: "Edukado de falsita historio ne nur damaghas imagon pri la lando, sed difektos estonton de la nacio. Ech se trovighas historiaj faktoj ne fierindaj, eduko kun objektivaj priskriboj nutros infanojn kiel estontan generacion kun ghusta rekono de la historio, kaj tio estos unusola rimedo por serchi kunlaboron kaj kunekzistadon kun la landoj en la mondo."

    Jen jhurnalo "Lianhe Zaobao" el Singapuro: "La disputo pri la japana lernolibro neniam estas enlanda afero. En chi tiu nova lernolibro, trovighas volo kreskigi ultranaciisman spiriton inter japana juna generacio."

    Jen la china novajhagentejo Xinhua: "Ghi falsas historiajn faktojn kaj shajnigas bela la agresan militon."

    Jen china ministro de eksteraj aferoj Tang Jiaxuan: "Efektive la problemo estas simpla. Tio pendas, chu Japanio prave rekonos la agresan historion kaj staros kontrau ghi, chu ili povos akiri el sia reala ago konfidon de aziaj landoj, chu ili volas pashi sur pacan evoluighon."