|
Mauzoleo de Ghingis-Hhano de WA NA | |
| Arkitekturo
La tuta mauzoleo aspektas kiel flugonta aglo, kiu montras mongolajn artajn trajtojn.
La kulta altaro Suleding estas grava konstruajho en la mauzoleo. Suleding estas fera lanco sur la mongola flago, uzita de la mongola armeo en ekspedicio. La mongoloj rigardas ghin kiel protektan dion. En la orienta halo 23 metrojn alta kushas cherko de la filo de Ghingis-Hhano. En la okcidenta halo estas 9 standardoj uzitaj de liaj 9 generaloj kaj armiloj uzitaj de ili. Freskoj
|
Ghingis-Hhano (1206-1228 sur la trono) estas titolo de Temughin. Li estis mongola heroo kaj fondinto de la grandega Mongola Imperio. Lia mauzoleo majeste staras meze de la senlima stepo Ordos, Interna Mongolio. Ghi konsistas el 3 jurtosimilaj haloj kun flavaj muroj, rughaj fenestroj kaj pordoj kaj ore glazurita tegmento. 
La mauzoleo areas pli ol 50 mil kvadratajn metrojn. Ghi konsistas el la chefa halo, ripozhalo, orienta kaj okcidenta haloj kaj orienta kaj okcidenta galerioj. La horizontala sekcio de la chefa halo, 20 metrojn alta, estas okangula kun duobla alero kaj jurtosimila volbo. La orienta kaj okcidenta haloj estas en skalena okangula formo kun solalera jurtosimila volbo. La volbo estas tegmentita per flave glazuritaj tegoloj, dum la tegmentrandoj estas kovritaj per blue glazuritaj tegoloj. La aleroj kaj tegmentoj kontrastas kun la blankaj muroj kaj rughaj pordoj kaj fenestroj, chio chi faras la konstruajhojn pli belaj kaj imponaj. 
La chefa halo de la mauzoleo estas memorhalo de Ghingis-Hhano, meze de kiu staras statuo de Ghingis-Hhano, 5 metrojn alta. En militista kiraso li staras tie kaj rigadas foren. Malantau la statuo estas mapo de la Mongola Imperio fondita de li sur arka fono. Malantau la halo estas 4 jurtosimilaj konstruajhoj, kiuj estas liaj ripozhaloj. Tie kushas cherkoj de Ghingis-Hhano kaj liaj edzinoj kaj du fratoj. La cherkoj estas tegitaj per oranghkolora sateno. Tie eksponighas ankau selo kaj vipo uzitaj de Ghingis-Hhano kaj charoj uzitaj de la mongola armeo en ekspedicio. 
En la orienta kaj okcidenta galerioj vidighas grandegaj freskoj. Tiu en la okcidenta galerio montras naskighon, malfelichon, militan ekspedicion, unuigon de la mongolaj triboj kaj aliajn gravajn aferojn de Ghingis-Hhano. Temas ankau pri la solena ceremonio de surtronigho de Ghingis-Hhano. Tie estas montrataj ankau portretoj de liaj gravaj subuloj ambauflanke de lia statuo, kvazau ili diskutus pri milita afero. La freskoj montras ankau, ke post kiam Ghingis-Hhano surtronighis, malaperis la malakordoj de diversaj triboj de la mongoloj, plifortighis ilia ekonomiaj rilatoj kaj pacighis la nomada vivo.
|