Vego okcidente de
la Lakta Vojo estas la plej brila stelo en la konstelacio Liro.
Trans la Lakta Vojo brilas Altairo, kiu apartenas al la konstelacio
Aglo. Ambauflanke de Altairo estas po unu malgranda stelo. En
la china lingvo Vego signifas teksistinon kaj Altairo boviston.
En la china mito Bovisto kaj Teksistino estis geedza paro kaj
la du malgrandaj steloj -- iliaj infanoj. La antikva mito pri
Bovisto kaj Teksistino devenis de Vego kaj Altairo. Kian amaferon
ili havis kaj kial ili renkontighas nur unu fojon chiujare?
Jen legu la malsupran miton:
La
historio okazis en Han-dinastio(206 a.K.-- 220 p.K.).
Teksistino estis le
plej juna filino de la Chiela Imperiestro. Shi estis tre lerta
en brodado kaj la de shi farita vesto estis bela kiel chielarko.
Shi estis tre amata de la gepatroj.
La gepatroj de Bovisto
forpasis antau longe. Li estis ofte turmentata de la pli agha
frato kaj ties edzino. Tial en la vivo li estis akompanata nur
de bovo. Chiusomere Teksistino kaj shiaj 6 fratinoj flugis al
lago proksima de la vilagho de Bovisto por banado kaj ludado…
Iutage la bovo proponis al Bovisto, ke li edzighu al Teksistino,
la plej bela el la fratinoj. En tiu tago Teksistino kaj shiaj
fratinoj venis al la lago por sin bani kaj petoli en la akvo.
Bovisto, kiu sin kashis en la fragmitejo, elkuris kaj forportis
la vestojn de Teksistino. La surprizitaj feinoj haste albordighis,
sin vestis kaj forflugis, escepte de Teksistino. Sincere petite
de Bovisto, shi konsentis edzinighi al li. Post la geedzigho
Bovisto diligente terkulturis kaj Teksistino dommastrumis. Ili
vivis feliche en granda amo. La edzino naskis filon kaj filinon.
Antau sia morto la bovo testamentis, ke li restigu ghian felon,
kiu povos helpi lin, se li surhavos ghin pro urgha bezono. Post
la morto de la bovo, la geedza paro kun larmoj en la okuloj
kashis ghian felon kaj enterigis ghin sur montodeklivo. La fratinoj
de Teksistino opiniis, ke la juna fratino vivis mizere en la
homa mondo, kaj proponis al shi reflugi al la chiela palaco.
Informighinte
pri la edzinigho de sia filino al Bovisto, la Chiela Imperiestro
kaj ties edzino ekbolis de kolerego. Ili ne plu permesis al
aliaj filinoj flugi al la homa mondo por viziti la fratinon,
kaj la imperiestra edzino persone flugis al la homa mondo gvidante
alian dion. Che foresto de Bovisto ili forkaptis Teksistinon.
Reveninte hejmen, Bovisto ne vidis la edzinon, tuj surhavis
la bovan felon kaj postkuris shin, kunportante siajn du infanojn.
Bovisto survoje jam vidis la edzinon kaj estis tuj kuratingonta
shin. Ghuste en en tiu momento la chiela imperiestredzino haste
prenis sian harpinglon kaj per ghi faris strekon en la aero.
Jen post shi tuj aperis torenta Lakta Vojo (chinoj nomas Laktan
Vojon Arghenta Rivero), kiu baris la vojon al Bovisto.
De tiam Bovisto kaj
Teksistino povis nur rigardi unu la alian kun larmoj trans la
rivero. Longe poste, trovinte, ke oni ne povis rompi ilian amon,
la Chiela Imperiestro kaj lia edzino permesis al ili rendevui
chiujare nur unufoje, t.e. en la sepa tago de la sepa monato
lau la luna kalendaro. Chiujare en tiu tago la pigoj flugas
de la homa mondo al la chielo por fari ponton super la Arghenta
Rivero, por ke Bovisto kaj Teksistino povu rendevui.
Tiutage en la silenta
nokto en la vinberghardeno oni povas audi ameman interparolon
de Bovisto kaj Teksistino kaj ankau pro laciga ponto-konstruado
la pigoj perdas siajn plumojn.