En
salono de la Popola Halo, kie okazis la Kvina Sesio de la 9-a China Popola Politika
Interkonsiligha Konferenco, kolektighis multe da famaj aktoroj. Membroj de diversaj
rondoj petis ilin fari subskribon kaj fotighi kun ili kaj jhurnalistoj serchis
sian celon. Mei Baojiu, fama aktoro kaj filo de la majstro de pekina opero Mei
Lanfang, kun ghojo akceptis mian intervjuon.
S-ro
Mei Baojiu estas 68-jara. Lia konduto elspiras apartan trajton de operaj aktoroj.
Nia interparolo komencighis de la lasta prezento de Mei Lanfang. "Mia patro
dedichis sian tutan vivon al pekina opero. En la agho de 68 jaroj li prezentis
la pekinan operon "Mu Guiying kiel komandantino" por sciencistoj de
la China Akademio de Sciencoj. Tio estis lia lasta prezento. La opero estis adaptita
de li por soleni la 10-an datrevenon de la naskigho de la China Popola Respubliko.
Oni povas diri, ke ghi estas modelo de la tradiciaj operoj kaj ankau ilia renovigho,
kiu koncentre montris lian lertecon en arto en jardekoj. Ech hodiau ghi estas
ofte ludata en- kaj eksterlande. Guo Moruo, la tiama prezidanto de la China Akademio
de Sciencoj, tre admiris la prezenton."
"Li
diris al mi, ke inter niaj rigardantoj estas diversaj homoj, iuj ne multe konas
la operon, aliaj volonte pagas por ghui la operon kaj triaj estas malnovaj oper-amantoj.
Ni ja devas fari la operojn konstante prezentataj kaj shatataj. Ekde praktikado
de la politiko pri reformado kaj pordmalfermo en 1980 ni ghuste observis tiun
principon. Mi kaj miaj kolegoj denove prezentis la operojn 'Belulino Xi'shi',
'Neoficiala Historio de Yang Taizhen' (Yang Taizhen estis nomata ankau Yang Yuhuan,
amata kaj dorlotata edzino de imperiestro Xuanzong de Tang-dinastio), 'Mu Guiying
kiel komandantino' kaj multajn aliajn majstroverkojn de mia patro. La prezento
de tiuj operoj estis multe aplaudita ne nur en la cheftero, Hongkong kaj Taiwan
de Chinio, sed ankau en Japanio, Rusio kaj aliaj landoj. Antau nelonge mi adaptis
la 'Neoficiala Historio de Yang Taizhen'. Tiun laboron partoprenis ankau multaj
aliaj eminentaj aktoroj kaj dramistoj de la lando. Che la komenco de tiu laboro
mi montris mian fundamentan postulon, ke char ghi estas majstroverko de la skolo
de Mei Lanfang, tial post adaptigho ghi devas esti tia, ke ghi povas esti ludata
ne nur en Operejo de Shanhajo kaj la estonta China Operejo en Pekino, en Lincoln-Centro,
Novjorko, kaj Operejo de Sidnejo, China Operejo en Tianjin kaj Chang'an-Operejo
en Pekino, sed ankau en laboristaj kulturaj palacoj, kamparo kaj militistaj kantonmentoj
kaj ech amuza vespero de TV."
Parolante
pri la nuna stato de pekina opero, s-ro Mei diris: "Prezidanto Jiang Zemin,
chefministro Zhu Rongji kaj prezidanto de ChPPIK Li Ruihuang donis grandan atenton
al pekina opero, char ili chiuj tre shatas ghin, sed jughate lau la vidpunkto
de la tuta socio, ghiaj amatoroj plejparte estas pli-ol-50-jaraj, dum multaj gejunuloj
ne shatas ghin. Tion ni atribuas al manko de diskonigo. Fakte la enhavo de la
tekstoj de la opero estas aprecinda kaj kiam vi bone perceptas ghin, vi tuj shatas
ghin. Tio tamen bezonas certan literaturan klerecon. Iuj diris, ke la takto de
pekina opero estas tro malrapida, nekonforma al nia epoka bezono. Mi ne konsentas
tion, char la rapideco ekzistas nur en komparo kun malrapideco. Chu la alta monto
povas ekzisti sen ebenajho? Mi opinias, ke la arta disvolvigho devas esti surbaze
de disflorado de cent floroj kaj konkurado de cent skoloj. Mi ludas pekinan operon
kiel profesiulo, sed mi neniam subtaksas aliajn specojn de la kulturo. Mi neniam
opinias, ke sola pekina opero estas superba, fakte mi shatas ankau aliajn specojn
de chinaj operoj kaj ankau alilandajn. Chinio membrighis al la Monda Komerca Organizo
kaj oni povas pli multe kontakti alilandajn kulturajn aferojn. Mi pensas, ke tio
estas bona shanco por nia arta disvolvigho. Krom pekina opero Chinio havas ankau
aliajn artajn trezorojn, shatatajn de eksterlandanoj. Mi konas multajn eksterlandanojn.
Ili opinias, ke ili vojaghas al Chinio pro tri kauzoj, t.e. rigardi la Grandan
Muron, viziti la Someran Palacon kaj apreci pekinan operon, Pekina opero ofte
rememorigas chin-devanajn eksterlandanojn pri la pasinteco kaj samtempe estas
fenestro por fremduloj koni Chinion. Ili opinias, ke la kultura enhavo de Chinio
estas profundega kaj ghi estas valora precipe en akademio. Mi opinias, ke pekina
opero kiel nacia trezoro povas disvolvighi plue."
En
la nuna socio chio estas reformata, chu ankau pekina opero estas reformenda?"
demandis mi. Pri tio s-ro Mei diris: "Sendube, tamen la reformado ne devas
esti blinda. Ghi devas observi la regulojn de pekina opero en la disvolvigho.
Dum la reformado ni devas dedichi grandan energion kaj financajn rimedojn al prezentado
de aktoroj, sed ne al alia kampo. Kompreneble ankau pekina opero bezonas dekoracion,
sed ne forgesu, ke por la dramoj la aktoroj ludas en dekoracio, dum por la operoj
oni ne vidas la dekoracion, sed nur perceptas ghian ekziston. Se oni prizorgas
antau chio scenejan belarton, tio certe malutilas al ghia ludarto. Oni ofte demandis,
kial la hodiauaj operoj ne estas tiel vivipovaj kiel tiuj luditaj de la malnova
generacio. Iuj pekinaj operoj prezentighis jam dekojn kaj ech pli ol cent jarojn,
tamen ili daure brilas sur la scenejo. Se ni ne donas nian atenton chefe al ludado,
sed nur al dekoraciado, ni ne povas teni pekinan operon longviva. Nur observi
la artan regulon de pekina opero donas perspektivon al la opero.