Kong Zhaojin estas fama arboradika skulptisto.
Foje por serchi chin-medicinajn drogojn, li trovis frostighintajn
radikojn de antikva arbo. La radikoj kun abundo da radiketoj
kaj elstaraj tuberoj estas diversformaj. Li shatis ilin kaj
portis unu hejmen. Post pririgardo kaj pripensado, li faris
artan prilaboron de ili kaj kreis naturan artajhon, vivecan
kaj legendan. En 1990 en internacia arta festivalo eksponighis
liaj 30 artajhoj, el kiuj la plej elstaraj estis "Drako
levighas kaj tigro saltas" kaj "Aglo". Liaj artajhoj
estas mirindaj naturajhoj kaj la de li skulptitaj homoj, floroj,
birdoj, bestoj kaj insektoj estas vivecaj kaj admirindaj.