Novjara bildo estas unu el la specoj de la china popola arto. Noto pri tiu artformo estas legebla en historia dokumento de la 11-a jarcento. La arto ekfuroris en la mezo de la 18-a jarcento, kaj preskau chiuj familioj shatas pendigi en la chambroj novjaran bildon por densigi la festan atmosferon.

    La tradiciaj novjaraj bildoj estas faritaj chefe per ksilografia metodo. Lau enhavoj ili dividighas en kvar kategoriojn pri kurantaj aferoj, folkloroj, teatrajhoj kaj popolaj rakontoj. Kaj lau formoj ili dividighas en kvar kategoriojn por pordkurteno, kalendaro, lanterno kaj fresko.

    En la fino de la 14-a jarcento farado de novjaraj bildoj jam havis certan skalon. En la mezo de la 18-a jarcento multaj metiejoj de novjaraj bildoj aperis en diversaj lokoj de Chinio, ekzemple Yangliuqing de Tianjin, Zhuxianzhen de Henan kaj Taohuawu de Jiangsu. Chiu el tiuj lokoj havis siatempe centon da butikoj de novjaraj bildoj kaj chirkaue estis multaj metiejoj por presado de novjaraj bildoj. Kaj tiam chiujare ili produktis centojn da milionoj da ekzempleroj de novjaraj bildoj.

    Oni starigis muzeon en iuj lokoj produktintaj novjarajn bildojn. En iuj lokoj oni okazigas festivalon de novjaraj bildoj por vigligi internacian kulturan reciprokon.

Karakterizajhoj de novjaraj bildoj

    Novjara bildo estas folklora arto naskighinta sur la bazo de agrikultura socio, kaj ghiaj temo, enhavo kaj formo estas konformaj al la bezono de la vivo de kamparanoj, tial ghi havas kamparan guston kaj apartenon de natura beleco.

    Multformeco kaj malmultekosteco estas la plej granda karakterizajho de novjaraj bildoj. Lau malsamaj vivmanieroj kaj malsamaj vivmedioj de malsamaj regionoj la farantoj de novjaraj bildoj kreis diversajn temojn kaj formojn.

    Enhavoricheco estas alia granda karakterizajho de novjaraj bildoj. Ili temas pri agrikulturo, infano, belulino, feo, budho, birdo, floro, anekdoto kaj kurantaj aferoj. Oni shanghas ilin che la alveno de nova jaro.

    Novjara bildo chiam akcentas intrigojn, enmiksas inteligentecon, amuzecon kaj aprecindecon en tuton kun eufemismo kaj humuro. Novjara bildo kutimas uzi simbolon por esprimi felichon kaj bonauguron, ekzemple kombini naturan belajhon kun bondeziraj vortoj por enkorpigi la signifon bonvenigi felichon. La grandeco kaj longeco estas variaj lau bezono. Ni ekzemplu per novjara bildo de pordodio. Pordodio estas rigardata kiel protektanto de la domo kaj kutime grandigita ghis la supra kaj malsupra randoj de la bildo, por esprimi lian severecon kaj forton. Por longa folio oni bildigas teatrajhojn en multaj aktoj, kaj la bildoj povas plene kovri la murojn. Por homa figuro oni akcentas okulan esprimon kaj transmision de mieno kaj sento.

Farado de novjara bildo

    Ksilografio por novjara bildo karakterizas per krudaj kaj fortaj linioj kun reliefaj linioj kiel la chefaj kaj samtempe malmulte da intajlaj. Esprimmaniero de komparo estas uzata por disvolvi la naturan efikon de tranchila gusto kaj ligna intereso kaj esprimi la tradician stilon de antikveco kaj simpleco. La koloroj estas malmultaj sed freshaj, kun rugha, flava, blua, nigra kaj blanka kiel la bazaj. Ghenerale novjara bildo konformas al la estetiko de la kamparanoj.

    La procedo de farado de novjara bildo havas tri pashojn.

    La unua estas pentrado. Oni desegnas bildon sur maldika papero kaj gluas ghin sur glatan lignotabulon kun la dorsa flanko de la pentrajho supren.

    La dua estas gravurado. La maniero de la gravurado estas malsama al tiu de la okcidenta ksilografio kaj tre komplika. La tranchilo estas tre akra, kio oportunas al libera uzado. La grava punkto en gravurado estas tio, ke la linio devas esti rekta kaj profunda, por elteni frotadon kaj deformighon. Tabulo kun nigra desegno estas nomata ankau chefa tabulo. Unue oni presas provajhojn per la chefa tablulo kaj faras lau ili kelkajn tabulojn por chiuj koloroj, kutime por rugha, flava kaj blua. Tio estas sama al la moderna presarto. La gravurado de chiuj tabuloj estas sama al tiu por la chefa tabulo, kaj chiuj tabuloj devas esti konformaj unu al alia.

    La tria estas presado. Unue oni presas per la nigradesegna tabulo, kaj poste lauvice per alikoloraj. Kaj per du tabuloj kun tute samaj desegnoj oni akiras novan koloron.

    Antaue oni presis novjarajn bildojn per papero produktita en Xuanzhou, Anhui-provinco, kaj farboj el mineraloj. De la 19-a jarcento oni uzas importitan paperon kaj kemiajn farbojn.