Magia foliotondajho

de LIU BIAN

    En la urbo Anyang de Henan-provinco estas emerita laboristo Wang Yuseng. Influate de la popola arto kaj la papertondajhoj kaj brodajhoj de la patrino, en la agho de 6 jaroj li jam ekamis pentri kaj en la agho de 10 jaroj li komencis fari papertondajhojn.

    Foje li legis en la antikva libro "La Historio", ke antau pli ol 3000 jaroj suvereno Zhouchengwang de la Okcidenta Zhou-dinastio tondis folion en formo de jada guj (jada skulptajho en simbolo de rango) kaj donacis ghin al sia frato kiel signon de titolo de duko. Tio multe inspiris Wang Yuseng, kiu rememoris sian tondadon de kanabaj folioj en la knabeco. Li tondis kverkan folion en formo de drako kaj enmetis ghin en libron. Sed poste la folio velkis kaj dispecighis. Li chagrenighis kaj komencis kolekti foliojn de diversaj arboj por koni iliajn dikecon, kvaliton, vejnojn kaj flekseblecon. Finfine li trovis metodon por speciala traktado de folioj.

    Foliotondado estas tute malsama al papertondado, char la unua postulas tondadon konforman al la vejno de la folio kaj ghia materialo, ke ghia beleco devas kunfandighi kun la arta beleco. Wang Yuseng saghe utiligis la formon kaj la vejnojn de la folio kaj tre atentas ghian koloron. Li trovis, ke la natura koloro de folioj estas malfacile anstatauigebla per homa farbado, kaj la koloro de folioj de sama speco estas nuanca en malsamaj sezonoj. Parto de la folioj estas helbruna kaj malhelbruna, simile al la solida kaj tenera tero. Parto de la folioj estas nigre verda, simile al tiukolora veluro luksa kaj fajna. Sed pli granda parto de la folioj havas flavan koloron, similan al tiu de antikvaj kuprajhoj.

    Dum sia foliotondado Wang Yuseng tre atentas asimili nutrajhojn de aliaj artospecoj, saghe enmiksas la metodon de lignogravuro, ksilogravuro kaj surbrika gravuro de Han-dinastio antau 2000 jaroj. Li majstre manovras la kolorojn nigran, blankan kaj grizan kaj punktojn, liniojn kaj spacojn. Li prenas foliojn de paulovnio, kverko, vinberujo k.a. kiel materialojn por sia verko. Liaj verkoj estas alte taksataj de beletra rondo kaj lia arto estas nomata "unu el la magiaj popolaj artoj de Chinio".