Ekde la 20-a de decembro de 2001 la filmo "Funebro pro la famulo" reghisorita de Feng Xiaogang estis prezentata en la kinejoj de Chinio. La filmo rakontas pri granda Holivuda reghisoro Taylor kaj china kinematografisto You You. Pere de stelulo kaj reklamisto la filmo mokas la frenezan monchasadon en la varkomerca socio. La filmo kun investo de 30 milionoj da junanoj (chirkau 8.3 juanoj egalas 1 usonan dolaron) estis kune plenumita de china kaj usona filmkompanioj.

    Ghis la 16-a de januaro de 2002, la bileta enspezo de la filmo en Shanhajo superis 5 milionojn da juanoj, en Pekino 13 milionojn kaj en la tuta lando jam 33 milionojn.

    De 1996 ghis 2002 Feng Xiaogang reghisoris 5 filmojn speciale por la novjara tago, kaj chiu filmo akiris bonan profiton. Literatura profesorino Dai Jinhua de la Pekina Universitato analizis la sukceson de Feng. Shi opiniis, ke Feng havas du bazajn kondichojn nemalhaveblajn por profitochasa filmisto: 1. Lia verko fontis de chiutaga vivo de ordinaraj chinoj. Li bone scias la bezonon de ordinaraj chinoj, kaj dialogoj en liaj filmoj estas tre simplaj kaj iom sarkasmaj. 2. Lia deontologio igas lin akcenti la interesojn de la investantoj kaj penas por doni al ili profiton. Pro tiuj du kialoj liaj filmoj estas bonvenaj al la publiko. Li ghuas grandan renomon pro siaj novjaraj filmoj. Li diris: "Por altiri rigardantojn, filmo devas esti au ridiga, au larmiga, au profunde esprimanta la homecon. Sen tiuj trajtoj filmo ne trovos shaton, malgrau ke oni fanfarone ghin laudas."

    La filmo estos prezentata en Hongkong, Taiwan, Malajzio, Tajlando kaj aliaj regionoj kaj landoj en marto kaj aprilo. Ghi estos prezentata en europaj kaj amerikaj landoj espereble en julio kaj augusto.

* Mallongigo de la filmo:

    Senlaborulo You You de iu filmstudio hazarde estis trafita de bona laboro - fari dokumentan filmon pri la tuta proceso de la filmo "La lasta dinastio" reghisorita de granda reghisoro Taylor de Holivudo. En la komenco You You kaj Taylor estis en bona kunlaboro. Sed poste la produktisto Tony de la filmo anstatauigis Taylor per japana reghisoro, por ke Taylor prenu sur sin la filmadon de reklama filmo de brakhorlogho. Taylor en kolero malsanighis kaj enhospitalighis. Doktoro diagnozis kaj diris, ke li estas neresanigebla. Taylor esperis, ke You You okazigos por li komedian funebron. You You promesis fari tion.

    You You venis al sia iama samlernejano Wang Xiaozhu por konfidi al li la aranghon de la funebro. Tio estis malofta profitodona laboro. Wang Xiaozhu projektis "luksegan funebron kun varieteo" kaj planis televidigi la funebran ceremonion. Wang petis multe da monhelpo de komercistoj, kiuj tre volis fari reklamojn pri siaj produktajhoj okaze de la funebro.

    Sed kiam chiuj dronis en revo pri baldaua richigho, Taylor estis resanigita. Bankrotis la plano de Wang Xiaozhu. Li ne povis elteni la baton pro la malsukceso kaj frenezighis, kaj You You sin kashis en frenezulejo por eviti la komercistojn, kiuj jam pagis multe da mono por reklamado...

Pri Feng Xiaogang:

    Feng Xiaogang estas scenaristo kaj reghisoro de filmo, naskita en 1958. Deinfanece li shatas belarton kaj literaturon. Post lernado en supera mezlernejo li eklaboris en Pekino kiel projektisto de sceneja dekorado en iu ensemblo de la China Popola Liberiga Armeo. En 1985 li eklaboris kiel belarta projektisto en la Pekina Televizia Arta Centro.

    En 1994 li reghisoris sian unuan filmon "Amo perdita por chiam". En 1997 li filmis la novjaran filmon "A kaj B", kiu donis biletan enspezon de 11.4 milionoj da juanoj. En la sama jaro la filmo akiris la "Premion por plej bona chefrolulo", "Premion por plej bona chefrolulino" kaj "Premion por plej bona rakonta filmo". Krome li reghisoris ankau "Ne disighu antau renkontigho" en 1998, "Maratona reprenado de shuldo" en 1999 kaj "Suspiro" en 2000. Chiuj tiuj filmoj trovis grandan shaton de la publiko.