|
 Forlasinte
Tianshui, mi daurigis mian vojaghon nordokcidenten. Mi veturis
350 km kaj atingis Lanzhou, chefurbon de Gansu-provinco.
En la antikveco
Lanzhou nomighis Jincheng. Ghi estis grava loko sur la Silka
Vojo. La fama antikva Jincheng-pramejo situis proksime de
Lanzhou. Favorate de la pramejo, Lanzhou farighis grava staplejo
de komercajhoj en nordokcidenta Chinio antau 2000 jaroj. Okcident-aziaj
nacimalplimultanoj tie shanghis siajn chevalojn kontrau teo
kaj aliaj vivbezonajhoj. Ech en la 19- a jc tie ankorau prosperis
komercado per teo. Ghrandkvanta teo de la loko vendighis en
Xinjiang, Tibeto kaj Interna Mongolio.
Tamen pro
geografia situo Lanzhou chiam ligighis kun dezerteco kaj izoliteco
en la homa imago. Ech antau la chi-foja vizito mi ne sciis,
kiom prosperas Lanzhou. Atinginte ghin, mi ekkonis ghian pozicion
en la fervoja kaj shosea retoj kaj ghian novan fizionomion
de grava industria urbo en nordokcidenta Chinio.
NOVA
FIZIONOMIO DE LA ANTIKVA URBO
Lanzhou,
chirkauita de montoj, sidas en longa valo kaj ghin trafluas
la Flava Rivero. Ghiaj chefaj stratoj estas larghaj. Ambauflanke
de la stratoj aromas florbedoj, kies balustradoj surhavas
ferajn kamelojn, elefantojn, chevalojn k.a.
Surstrate
de Lanzhou mi vidis multe da altaj domoj starantaj unu apud
alia. La bele dekoraciitaj magazenoj forte impresis per vigleco
de tiu urbo en la okcidenta parto de Chinio. Ambauflanke de
la stratoj estas novaj loghdomoj. Ili distingighas per tio,
ke ili plejparte estas tegitaj per kaheloj. La alia pejzagho
de la urbo estas strat-telefonbudoj bele ornamitaj. En ghi
estas tre facila komunikado, chu kun aliaj lokoj de Chinio,
chu kun aliaj landoj.
En Lanzhou
kreskas multe da arboj ombrorichaj kaj prosperas soforoj,
emblemo de la urbo. Lokanoj diris al mi, ke antaue la tieaj
montoj estis kalvaj. En la pasintaj 30 jaroj la tieaj loghantoj
arbarizis 800 hektarojn da kalvaj montoj, kulturis 80 hektarojn
da gazonoj kaj verdigis pli ol 300 km da stratoj. Vespere
oni senghene pasumas en promenejoj au ludas shakon en ghardenoj.
BONODORAJ
MELONOJ KAJ ALIAJ FRUKTOJ
Autune
chie en Lanzhou bonodoras melonoj kaj aliaj fruktoj. Preskau
sur chiu strato vidighas provizoraj budoj de vinberoj, pomoj,
piroj, granatoj, melonoj k.a.
Iutage,
post vespermangho mi kaj mia amiko promenis surstrate kaj
haltis antau budo de fruktoj. Sub
la brilaj gaslampoj vidighis multe da melon-tranchajhoj. Mia
amiko diris al mi, ke en Lanzhou antau ol acheti melonon,
estas permesate gustumi ghin kaj tiuj melonaj pecoj estas
por gustumado far klientoj. Mi do sidighis por gustumi. la
melono estis tre dolcha kaj la vendanto ege afabla. Pro tio
mi ne povis ne aceti. Momenton poste, mi ekbabilis kun li,
manghante melonon. De li mi informighis multe pri Lanzhou-aj
melonoj kaj aliaj fruktoj.
Lanzhou
situas malproksime de maro. Tie regas musona kontinenta klimato.
La jara pluvokvanto estas malgranda kaj sunbrilaj tagoj multaj.
La temperatura diferenco inter tago kaj nokto estas granda.
Chio chi tio tre utilas al la sukera akumuligho en melonoj
kaj aliaj fruktoj. Kaj plie,
la tieaj kamparanoj estas spertaj en kultivado. Sekve, la
melonoj kaj aliaj fruktoj de Lanzhou famighas en- kaj eksterlande.
Chiujare, de frua somero oni vendas abrikotojn, prunojn kaj
akvomelonojn. En septembro vendighas pomoj, piroj, vinberoj,
granatoj, jujuboj, Lanzhou-aj melonoj kaj aliaj. En Lanzhou
estas pli ol 20 specioj da piroj. Ech en frosta vintro tie
vendighas diversaj fruktoj.
Kial Lanzhou
abundas je fruktoj? Tio havas ian rilaton kun la Silka Vojo.
Vinberoj, granatoj kaj akvomelonoj enkondukighis en Lanzhou
per la vojo el la Centra Azio kaj Okcidenta Azio. Ne nur en
la antikveco, sed ankau en la nuna tempo en Lanzhou trovighas
novaj specioj de fruktoj enkonduktiaj de eksterlande kaj aplikighas
alilandaj metodoj kulturi fruktarbojn. Oni diris, ke la Lanzhou-a
melono ja devenis de Usono. En 1944, kiam la usona vicprezidanto
Wallace vizitis Chinion, li postlasis en Lanzhou semojn de
dolcha melono. Poste dolchaj melonoj enradikighis en Lanzhou
kaj transformighis en novan specion, t.e., Lanzhou-an melonon.
NOVA
INDUSTRIA URBO
Lanzhou
havas historion de pli ol 2000 jaroj, tamen ghi estas nur
pli-ol-40-jara, kiel nova industria urbo.
Petrol-kemia
industrio en Lanzhou estas plej forta. La Lanzhou-a rafinejo,
Lanzhou-a Kemiindustria Kompanio kaj aliaj grandaj entreprenoj
trovighas en Xigu-distrikto de la urbo. Tial Xigu farighis
industria distrikto de la urbo.
Xigu-distrikto
distancas de la urbocentro je 25 km. Sur la larghaj stratoj
cirkulas multaj veturiloj, kies granda parto estas kamionoj.
Mi vizitis la Lanzhou-an Rafinejon. Tie mi vidis diversajn
tubojn, per kiuj interkomunikighas chiuj laborejoj kaj rafin-turoj.
Tie gigantaj cisternoj staras en bona ordo. Inter la turoj
kaj cisternoj estas gazonoj kaj florbedoj.
La Lanzhou-a
Rafinejo estas la plej frua nafto-prilaborejo de Chino. En
1958, kiam ghi komencis produktadon, ghi estis simpla entrepreno
pri rafinado, sed nu ghi estas sinteza entrepreno pri kemiindustrio,
mekanikaj instrumentoj, premujoj, projektado kaj muntado.
Ghia jara prilabor- povo estas 5 milionoj da tunoj da nafto.
Ghi estas la plej granda rafinejo en okcidenta Chinio.
La Lanzhou-a
Kemi-industria Kompanio, proksime de la Lanzhou-a Rafinejo,
estas granda entrepreno konstruita en la 50-aj jaroj. Komence
ghi enkondukis el Sovetunio ekipajhojn por kemisterka kaj
kauhchuka fabrikoj kaj poste havis ekipajhojn por butadiena
stirena kauhchuko kaj pro tio Chinio ekhavis sian propran
sintezan kauhchukon. Post tio ghi starigis novajn instalajhojn
kaj efektivigis transiron de gren-olea kemi-industrio al la
petrola. Surbaze de tio, post la 80-aj jaroj ghi starigis
nafto-distilan instalajhon por pli ol 600000 tunoj da nafto
en la jaro kaj etilenan instalajhon de la internacia nivelo
de la 80-aj jaroj. Dank' al tio, ghia jara produktopovo de
etileno atingis 80000 tunojn.
La supre
menciitaj 2 grandaj entreprenoj kaj iliaj najbaraj fabrikoj
grandaj kaj malgranda vidigas la brilan perspektivon kaj latentajn
fortajn de industrio en la okcidenta parto de Chinio.
POR
PLIBELIGI LANZHOU
Moderna
industrio disvolvis Lanzhou kaj samtempe kauzis al ghi seiozan
polucion.
En 1977
la polucio en la centro de Lanzhou farighis tre serioza kaj
lanzhou-anoj do metis mediprotekton en la tagordon.
S-ro Yu
Xionghou, estro de la urba mediprotekta buroo, konigis min
pri la kauhzoj de la plucio. "Ambauhflanke
de la urbo estas montoj, kaj Lanzhou estas tipa ruband-forma
urbo. Limigite de la topografio, la tiea malpura aero tre
malfacile disfluas, kaj plie, pluvokvanto estas malgranda,
vaporigha kvanto granda kaj la loghantaro kreskas rapide.
Precipe en vintro karbobruligo pligravigas la polucion."
Kontrauh
tio la magistrato alprenis serion da rimedoj, kiaj trans formado
de fornoj por la popola vivo kaj industrio, kolektiva hajtado,
malfunkciigo kaj translokado de grave poluantaj fabrikoj kaj
sinteza traktado de ellasitaj substancoj de iuj grandaj entreprenoj.
Tiuj rimedoj donis bonan efikon. En la lastaj dek jaroj la
industria produktovaloro de la urbo kreskis jaro post jaro
kaj la loka ekonomio disvolvighis kontinue, dum la media kvalito
ne malbonighis kaj la akva kvalito de la parto de la Flava
Rivero en Lanzhou atingis la normojn difinitajn de la shtato.
S-ro Yu
diris al mi ankauh, ke por akceli plibonighon de la urba medio
kaj sinteze trakti la median polucion oni efektivigas nun
la "Chiel-bluigan panon" kun arbarizado kaj livero
de gaso, sunenergio kaj karboj kiel la chefa enhavo. Por tio
la urbo investis 1.45 miliardojn da juanoj al gas-tuba sistemo,
unuigita hejtado k.a.
Samtempe
kun tio, ankauh la grandaj entreprenoj rapidigas siajn pashojn
por plibonigo de la medio. Proksime de la Lanzhou-a Rafinejo
estas bela surakva parko kun naghejo de 10000 kvadrataj metroj
kaj artefarita lago de 35000 kvadrataj metroj. Sur la lago
remas boatoj Kioskoj, pavilonoj, koridoroj kaj pagodoj dissemighas
en la arbaro, floroj aromas en la tuta parko. Sed sciu, ke
la klara akvo de la lago estas traktita akvo ellasita de la
Lanzhou-a Rafinejo.
Dank' al
plibonigho de la medio, sovaghaj anseroj kaj aliaj birdoj,
ne viditaj de multaj jaroj en la urbo, reflugis al la Flava
Rivero. Tie vidighis ankauh mevoj, viditaj neniam antauhe
sur la rivero. Kvankam oni
ankorauh devas fari multon por la media protektado, tamen
en Lanzhou la media polucio estas fundamente bremsita. Lanzhou
farighos pli bela kaj pli pura urbo.
|
