|
La Silka
Vojo ne estis absolute fiksita. Ghi Shanghighis plurfoje en
kelkaj partoj pro diversaj kauzoj, kiaj sezona alterno kaj
milita tumulto. Inter Xi'an kaj Lanzhou iam estis 3 linioj,
unu el kiuj trapasis Baoji, mezgrandan industrian urbon de
Shaanxi, kaj Tianshui. De la 1-a ghis la 12-a jarcento ghi
estis la plej mallonga vojo inter la provincoj Shaanxi kaj
Gansu. Siatempe la eminenta bonzo Xuanzang de Tang-dinastio
prenis tiun chi linion por pilgrimi al Hindio. Chi-foje ankau
mi vojaghis lau tiu vojo.
FERVOJO,
ShOSEO KAJ MODERNA AUTOVOJO
Che la
limo inter la provincoj Shaanxi kaj Gansu kushas Longshan-monto.
Pro tio la loko estas dividita en la partojn Longxi (okcidente
de Longshan-monto), Longdong (oriente de ghi), Longzhong (meze
de ghi) kaj Longnan (sude de ghi). forlasinte Baoji, nia trajno
suriris Longxi- altebenajhon. La monotona flavo de la altebenajho
impresis min per grava histora shanghigho. Che
la montopiedo la zigzaga Flava Rivero fluas orienten. Sur
la montodeklivoj teras-kampoj etendighis de la montopiedo
al la montosupro. Sur al kampoj kreskis maizo.
En la vagonaro
oni konigis al mi pri la vojo kaj la urbo Tianshui. Ili diris
al mi, ke Tianshui situas inter la Leusa Altebenajho en Longzhong
kaj la montregiono en Longnan. Tie ondas montoj kaj abundas
riveroj. Longshan-monto estas tre malfacile transirebla. Antikvuloj
diris, ke la montovojoj estas zigzagaj kaj oni bezonas 7 tagojn
por transiri la monton.
Pro kompleksa
topografio voj-konstruado estas ekstreme malfacila. Jam en
la 40-aj jaroj en Tianshui funkciis fervojo 52 km longa kaj
shoseo malbonkvalita. Tiam en multaj gubernioj ne estis autovojoj
kaj oni devis uzi flosojn por transiri riveron. La malfacila
trafiko multe ghenis Tianshui-anojn dum jarmiloj. Tiam oni
bezonis dekojn da tagoj por vojaghi de Xi'an al Tianshui.
La trajno
malrapide rampis sur Longshan-monto. La pasagheroj ghoje babilis
au dormis sur lito. Ili ne povis imagi al si la suferojn elportitajn
de la vojaghantoj en la pasinteco. Nur la multaj trapasitaj
tuneloj serpentumaj kaj cheval-hufaj rememorigis pri malfaciloj
de voj-konstruado en profundaj montoj. Post 8 horoj nia trajno
finis la vojon, kiun la antikvuloj devis iri dekojn da tago.
Ghi atingis la Tianshui-an
Stacidomon che vespera krepusko kaj mi maltrankvilighis pri
tio, kiamaniere iri al la urboparto, kiu distancas de la stacio
je pli ol 20 km. Post momento mi trovis nenecesa mian maltrankvilon:
La auto portis min sur moderna autovojo kaj post 20 minutoj
mi jam sidis en hotelo de la urbo.
LEGENDO
PRI TIANSHUI
Tianshui
kun longa historio estas fama industria urbo de la provinco
Gansu. Restante en ghi, mi informighis pri la deveno de ghia
nomo.
En la china
lingvo Tianshui signifas "chielan akvon". Legendo
diras, ke iutage en la unua jarcento a.K. sude de la nuna
Tianshui subite ekbrilis rugha lumo sur la tero, kiun sekvis
fulmo- tondroj kaj tertremoj. La tero fendighis kaj akvo el
la chielo vershighis en la fendon kaj formighis lago. Char
la akvo estis pura kaj dolcha, oni do diris, ke ghi estas
ligita kun tiu de la chielo kaj donis al ghi la nomon Chiela
Akvo. Poste, oni nomas Tianshui (chiela akvo) la urbon konstruitan
che la lagho. Sciencistoj analizis, ke la lago formighis de
tertremo kaj la akvo en ghi venis el fontoj.
Kvankam
la lago sekighis antau tre longe, tamen en Tianshui ankorau
videblas multaj fontoj kun bonkvalita akvo. Oni diris, ke
pro longatempa trinkado de tia akvo Tianshui-anoj havas hauton
tre delikatan. Tie estas ankau multaj termofontoj, kies akvo
estas utila por kuraci kronikajn malsanojn kaj dermatozon.
Banado en termfonto estas bona ripozo por Tianshui-anoj. Dum
mia restado en la urbo oni plurfoje proponis, ke mi banu min
en termofonto, tamen pro hasteco mi ne havis tempon por la
ghuo.
RAKONTO
PRI SILKA POShTUKO
La Silka
Vojo naskighis kaj disvolvighis pro silkajha komercado, tial
chio, kio koncernas silkajhojn, multe interesis min. En Tianshui
oni rakontis al mi pri silka poshtuko.
La rakonto
temas pri bela kaj kortusha amafero: En la 4-a jarcento en
Tianshui vivis paro da junaj geedzoj. Ili estis Su Hui kaj
shia edzo Dou Tao, honesta shtatoficisto, kiu tamen estis
kalumniita de insidemulo kaj ekzilita aliloken por fari pezan
servutadon. La 23-jara Su Hui devis vivteni sin per brodado.
Pasis kelkaj jaroj kaj shi neniun informon ricevis de sia
edzo. Shi ege sopiris al li kaj verkis poemon por esprimi
sian malghojon. Shi faris brodajhon kun la versoj sur silka
poshtuko. Tamen neniu komprenis la poemon, char ghi estis
palindromo el 112 ideogramoj.
Dank'al
la klopodado de Su Hui, fine estis reghustigita la verdikto
pro Duo Tao. Li denove shtatoficistighis. Memore al la bonkora
kaj kuragha Su Hui, oni konstruis altan arkajhon.
Mi iris
tien por rigardi la arkajhon, sed, bedaurinde, kun tempopaso
la rakajho jam ne videblas kaj mi vidis nur kelkajn rompitajn
steleojn pri ghi.
Ghojindas
por mi, ke la kortusha rakonto jam gravurighis en la memoro
de la popolo.
CERMIKAJ
FIGUROJ DE HOMO KAJ KAMELO
 La
Silka Vojo multe faciligis la kulturan intershanghon inter
Oriento kaj Okcidento. En 1965, en Qin'an-gubernio, Tianshui,
oni elterigis aron da trikoloraj ceramikaj figuroj de homo
kaj kamelo. Ili estas la
plej belformaj kaj plej grandnombraj historiaj objektoj de
Tang-dinastio elterigitaj ghis nun en Gansu-provinco. Inter
la ceramikaj figuroj ne mankas tiuj de chinaj nacimalplimultanoj
kaj okcidentaziaj komercistoj, kameloj kaj chevaloj.
En la Provinca
Muzeo de Gansu kaj Gubernia Muzeo de Qin'an mi vidis tiajn
figurojn. Iu el ili bildigas homon altan 78.8 cm kaj tirantan
kamelon 94 cm. La tiranto estas tre eleganta, kun nigra chapo
sur la kapo, botoj sur la piedoj kaj flav-verda robo kun neghblanka
kolumo turnita eksteren. Li, kun grandaj okuloj en profundaj
orbitoj, alta nazo, larghaj nazloboj, nigraj-flavaj haroj
kaj barbo, aspektas kiel tipa okcident-azia komercisto. Apud
li staras kamelo henanta kun alte levita kolo. Krome, en la
gubernia muzeo estas ankau ceramikaj figuroj de okcident-azianoj
tirantaj chevalon au rajdantaj sur ghi, trikoloraj ceramikaj
figuroj de kamelo, persaj moneroj kaj aliaj historiaj objektoj
rilataj al la okcident-azia kulturo. Ili montras la amikan
kontakton inter la popolaj china kaj okcident-azia en la antikveco.
La elterigitaj
hisoriaj objektoj montras ankau, ke preskau samtempe kun la
naskigho de la kameltirantaj homfiguroj enkondukighis en Tianshui
okcident-aziaj muzikiloj, kiaj konghou-o, bivo kaj fluto,
kaj belaj muzikajhoj de Qiuci, Yutian kaj Shule. Tie furoris
ankau okcident-aziaj dancoj ne nur inter aristokratoj, sed
ankau inter popolanoj.
Komercado
sur la Silka Vojo multe prosperigis la ekonomion de Tianshui.
Tie vendighis produktajhoj de okcidenta Azio kaj kreskis ghiaj
fruktarboj. Kompreneble, ankau produtajhoj de Tianshui, kiaj
lakajhoj, silkaj tapishoj kaj drogherboj, eksportighis al
okcident-aziaj landoj.
|
