En Pekino trovighas Quansuzhai-restoracio, kiu servas ekskluzive per vegetaraj pladoj. Dum la pasintaj jaroj ghi allogis klientojn el diversaj landoj kaj regionoj.

KORTEGAJ VEGETARAJ PLADOJ

    Fine de Qing-dinastio (1644-1911), lukse vivis Cixi, imperiestra patrino. Chiutage la kortegaj kuiristoj devis prepari por shi cent pladojn. Frandajhoj el altvaloraj ne mankis al shi, tamen iom post iom shi perdis la intereson. Por plachi al shi eunuko ordonis al la kuiristoj prepari pladon de jujuboj kun belaj koloroj kaj bona gusto. Gustuminte ghin, Cixi admiris kaj premiis la kuiristojn. Poste vegetaraj pladoj farighis bonvenaj konstantaj pladoj.

    La vegetaraj pladoj devenis de la sudo de Chinio. Iliaj materialoj estas sekigitaj bambushosoj kaj freshaj fungoj. Kvankam Cixi ne shatis la dolchan guston shatatan de sudanoj, tamen la saghaj kuiristoj aldonis salon kaj sojon al la vegetaraj pladoj lau shia gusto. Laudire en siaj lastaj jaroj Cixi tre shatis la kortegajn vegetarajn pladojn.

VEGETARAJ PLADOJ DE LA POPOLO

    Liu Haiquan, metilernanto de la kortega kuirejo, bone posedis la kuirarton de vegetaraj pladoj pro sia diligenteco kaj talento. Forlasinte la kortegon, li starigis budon de vegetaraj pladoj che Dong'an-foirejo. Li preparis ne nur simplajn vegetarajn pladojn, sed ankau subtilan vegetaran festenon. Lia budo pli kaj pli prosperis. En 1936 lia budo farighis restoracio Quansu Liu, kiun poste li nomis Quansuzhai.

    Nun Quansuzhai, kiu travivis kvar generaciojn, povas fari pli ol 100 vegetarajn pladojn.

    Quansuzhai chiam strebadas al pli alta nivelo. Por siaj manghajhoj ghi uzas fajnajn materialojn liveritajn de fiksaj produktejoj kaj kuiras per tradiciaj metodoj.

    Nun trovighas pli kaj pli da vegetaranoj dezirantaj sanighon, kiuj tabuas lardon. Quansuzhai faras kuiradon chiam lau vegetara kutimo kaj per malgranda kaserolo preparas manghajhojn. Tiu metodo donas bonan guston.

    Nun Quansuzhai ne nur havas branchojn en grandaj urboj, sed ankau vendas siajn manghajhojn en superbazaroj.