En la provinco Shandong estas Taishan-monto, kiun la chinoj honoris kiel “Unuan monton de Chinio”. Dum longa tempo la chinoj havis grandan respekton al la monto kaj imperiestroj de multaj dinastioj pilgrimis al ghi por kulti ghin. Kaj 150 kilometrojn norde de Pekino estas Kokeriko-monto, kiun oni nomas Malgranda Taishan-monto, ke ghi estas tre simila al Taishan en geografio kaj topografio. Urbanoj, kiuj tedighas de bruado en la urbo kaj volas havi kvietan lokon por sin malstrechi, shatas tiun ne tre malproksiman kaj charman pitoreskejon. Tie ili ghuas kvietecon kaj havas la shancon foti scenojn de la vivo de ordinaraj montanoj.

Kokeriko-monto

    La monto altas 1128 metrojn kaj sur la apika klifo staras kolosa shtono simila al kokerikanta koko. La bekon, la kreston, la voston, la plumojn… estas klare distingeblaj. Sur la monto oni vidas vertikalajn shtonojn, profundajn valojn kaj montpintojn vualitajn de nebulo kaj zonitajn de nuboflokoj. En densa arbaro sin kashas temploj kun rugha chirkaumuro kaj verda tegmento. De tempo al tempo audighas kanto de birdoj. Multaj imperiestroj vizitis Kokeriko-monton. Imperiestro Kangxi (1654-1722) dufoje vizitis la monton kaj asignis grandan sumon da mono al riparado de temploj. Pro tio plifamighis la monto.

    Sub la monto estas arkado. Ghi estas pasejo de la monto. En shvitego ni atingis la montosupron kaj vidis pavilonon sur la trairejo kun surskribo “Suda Chiela Pordo”. Trairinte la pordon, ni vidis malgrandan ponton. Sur la ponto ni audis sibladon de vento, sed ne sentis la blovon. Sur la ponto estas shtopita truo. Se oni formovas la shtopantan shtonon, elblovas vento. Mi ne povas solvi la enigmon. Kaj trans la ponto estas ruinoj el disfalintaj muroj kaj shtonaj fundamentoj, kiuj notis la riparadon de la temploj. Sur la Belvedero de Sunlevigho mi vidis riverojn Yanghe kaj Sangkan, kiuj serpentumas en malproksimo kaj kunfluas en la sudoriento. Fine la fluo eniras en la akvokonservejon Guanting nordokcidente de Pekino. La akvokonservejo glimbrilas en la suno kiel giganta smeraldo. Sub la monto preteriras fervojo kaj etendighas shtuparkampoj kaj arbaroj. Tie trovighas ankau antikva poshtejo, plej granda en Chinio.

Antikva poshtejo Kokeriko

    En la antikveco poshtejo en Chinio estis ripozejo por heroldoj, kaj la poshtejo Kokeriko estas la plej granda, plej kompleta kaj plej bone konservita ghis nun en Chinio. Ghi situas sub Kokeriko-monto apud Yanghe-rivero. La poshtejo estis konstruita en 1219 kaj rekonstruita kaj plivastigita en 1420.

    La poshtejo ludis gravan rolon en la historio de la china poshto, ke pro ghia grava strategia situo oni faris ghin urbeto. Tie estis oficejoj por poshteja estro kaj garnizona oficiro, chevalstalo, teatrejo, 6 lombardejoj, 9 butikoj, 4 olevendejoj, tetrinkejoj, pasloghejoj por karavanoj kaj 8 temploj. La templo Yongning estas la unua konstruajho en la poshta urbeto antau pli ol 800 jaroj. En la temploj oni povas vidi freskojn el Ming- kaj Qing-dinastioj (1368-1911), kies koloroj restas freshaj. La poshtejo estas tre valora por studi la historion de la china poshto, ekonomio kaj religio de Chinio.