Tie estis batalkampo La
Granda Muro che Xifengkou situas en la nordo de Hebei-provinco, Chinio. Xifengkou
signifas pasejon de ghoja renkontigho. Legendo diras, ke en la antikveco iu junulo
estis devigita militservi en la landlima regiono kaj en multaj jaroj lia patro
havis neniun informon pri li. La maljunulo supozis, ke lia filo jam mortis, sed
li ne chesis serchi lin. En Xifengkou li fine trovis la filon. Ekektive la muro
konstruighis en Ming-dinastio (1368-1644), kun pasejo che la kanjono de Luanhe-rivero
kontrau invado de aliaj nacioj. Antau nelonge mi
kaj miaj amikoj vizitis la Grandan Muron che Xifengkou. Ni veturis de Pekino al
la muro per auto kaj post pli ol 5 horoj ni atingis Yongcun-vilaghon de Qianxi-gubernio.
La auto balancighante rulighis al montodeklivo, kaj granda akvorezervejo eniris
en nian vidkampon. Lokanoj diris, ke ni devas veturi per pramo al alia bordo de
la akvorezervejo chirkauita de montaro, se ni volas rigardi la Grandan Muron che
Xifengkou. Xifengkou havas 2 partojn, kastelon kaj
urbon. En baseno chirkauita de montaro situas la kastelo, kies kvar flankoj estas
solidaj muroj masonitaj el shtonoj. Norde de la kastelo estas la urbo, kies tri
flankoj najbaras al montoj kaj unu flanko al rivero. Sur la pordo de ghia pasejo
estas gvat-turo 13 metrojn alta. En la antikveco la charoj, chevaloj kaj homoj
devis trapasi la pasejon por eniri la urbon. Inter du pasejoj trovighas muro masonita
el solidaj shtonoj. Sur la urbomuro estas 6 kontaktaj punktoj, kun gvat-turo.
La norda urbomuro kunligighas kun la Granda Muro. Irante
lau la Granda Muro ni vidis sur ghi gravuritajn vortojn montrantajn la konstruan
jaron kaj nomon de metiistoj. Sur la muro trovighas ankau gvat-turo kun longeco
de pli ol 10 metroj, kiu havas du etaghojn kaj du shtuparojn al la supro de la
turo. En la teretagho trovighas chambretoj apartigitaj per septoj kaj povas teni
40-50 personojn. La planko de la chambretoj estas el brikoj malebenaj. Che kurbigho
mi trovis la malklaran ideogramon "hejmo". Kvankam malproksimas la jaro
de gravuro de la ideogramo, tamen estas imageble, ke la soldatoj defendantaj la
urbon chiam sopiris al siaj familianoj. La Granda
Muro memorigis nin pri militoj, inkl. tiun en Xifengkou. Ne nur antikve, sed ankau
en la 30-aj jaroj de la 20-a jarcento apud la Granda Muro che Xifengkou okazis
sangaj bataloj kontrau la japanaj agresantoj. Lau la muro ni serchis iaman batalkampon
kaj renkontis maljunulon pashtantan shafojn. Ni babilis kun li kaj li fingre montris:
"Jen la loko, kie shafoj manghas herbojn, estis batalkampo." Rigandante
la montodeklivon plenan de herbachoj kaj gruzoj, ni ne povis imagi, ke tie estis
sangoversha batalkampo. La shafoj libere manghis freshajn herbojn, kaj chirkaue
estis kviete. La maljunulo donis al mi pashtshovelilon, kaj mi fosis teron malsupren,
kaj momenton poste aperis kelkaj kuglingoj, kiuj jam rustighis. La gvat-turoj
kaj kreneloj post erozio de vento kaj pluvo kaj militfajro nun ankorau konservas
la antauan aspekton. La subakva Granda Muro La
subakva Granda Muro estas plej vidinda pejzagho che Xifengkou. Rigardante Xifengkou
malsupren de la montpinto, ni vidis zigzagan muron laumonte etendighanta al la
akvorezervejo, parton de ghi enakvighinta, poste denove elakvighinta kaj ascendanta
krutan monton. La pasejo de Xifengkou starighis en la oriento de Luanhe-rivero.
Antaue Luanhe-rivero ofte inundis kampojn kaj loghejojn, ech transfluis la muron
de Xifengkou kaj forportis la feran pordon de la pasejoj. Antau 25 jaroj la shtato
starigis akvorezervejon. La pasejo de Xifengkou estis inundita, kaj nur en seka
sezono montrighis la ruino de la Granda Muro. Por
klare vidi la subakvan muron ni luprenis lignan boaton kaj remis al la ruino.
Ni vidis, ke en klara akvo la Granda Muro kunligighas kun tiu parto de la muro
sur la monto. Ni volis tushi la subakvan muron kaj saltis en la akvon. Mi subakvighis
kaj malsupren iris lau la muro kaj per mano tushis antikvajn brikojn. Mi elfosis
kuglon el la truo de iu briko kiel memorajhon. Estis bedaurinde, ke mi ne portis
skafandron. Mi povus pli klare vidi la subakvan muron, se mi portus ghin. La fishoj
en la akvo naghis chirkau mi. Mi havis nepriskribeblan senton. La Granda Muro
estis antikva defenda fortikajho kontrau agreso de aliaj nacioj, tamen nun mi
kaj la fishoj estis pace ludantaj tie. |