PARADIZO SUR LA TERO

    Adiauinte la vilaghon de dong-oj, ni orienten veturis je 50 km lau monta vojo kaj atingis la termofonton Ailing en plurnacia autonoma gubernio.

    La fonto che Ailing-rivero estas chirkauita de montoj kovritaj de primitivaj arbaroj. Kiam ni atingis la lokon, jam vesperighis. Tamen en la profunda montvalo regis gajeco kaj brilis lampoj. Tie estas granda turisma loko.

    Formetinte la pakajhon, ni ekbanis nin en la vaporricha termofonto. Rigardante la vaporon levighantan al la chielo kaj auskultante fluadon de la fonto en la kvieteco de la naturo, ni sentis nin kvazau en fea lando kaj tuj malaperis nia laco pro veturado dum sinsekvaj tagoj. Jen kial oni nomas la lokon "Paradizo sur la Tero".

    Chirkau la fonto estas multaj vidindejoj, sed bedaurinte, pro manko de tempo ni vizitis nur lignajn etaghdomojn de jau-oj en la sekva tago.

    Sur shtupar-kampoj proksime de la termofonto imponas giganta roko, kiun la lokanoj nomas Longsheyan (Roko de Draka Lango). Elautighinte, ni supreniris lau shtuparo por rigardi ghin. Kiam ni atingis la alton de 200 m, aperis antau ni bela vilagho de jau-oj.

    Nia chicherono kondukis nin al hejmo de jau-oj. Antau ol endomighi, li komencis reciproki popolkanton kun jau-a knabino. Samkiel mjau-oj kaj dong-oj, ankau jau-oj shatas buteran teon. Kiam ni eniris en la lignan etaghdomon, la gastama jau-a knabino ekpreparis por ni buteran teon. Momenton poste, la varma kaj bongusta butera teo pretighis. Kun agrabla kanto shi proponis al ni chiuj po taso da teo. Kiam ni ne sciis kion fari, tenante la tason en la manoj, nia chicherono dankis shin per kanto je nia nomo. La jau-aj knabinoj plejparte estas lertaj en kantado. Kantoj sekvis unu post alia kaj ni kun granda plezuro ghuis ilin, trinkante bongustan teon.

    VIZITO AL ZIJIANG-RIVERO

    Post pli-ol-2-hora veturado nordorienten de la termofonto ni alvenis al la fonto de Zijiang-rivero, la plej granda en la loko.

    Akompanate de jau-a chicheronino, ni vizitis la riveron en la sekva tago. Ni lauflue veturis per 2 lignaj boatoj. Tiam audighis de la alia boato agrabla kanto de nia chicheronino. Mi estis elektita reciproki kanton kun shi. Sed mi devis reciproki kun shi nur cirkulantajn amkantojn, char mi ne scipovis kanti tieajn popolkantojn. Kompreneble, mi, nelerta en kantado, ne povis rivali kun la jau-a knabino.

    Sur la serpentanta Zijiang-rivero ni jen rapidis antauen lau la torenta fluo, jen malrapidis sur kvieta akvosurfaco, multe ghuante charmajn pejzaghojn borde de ghi, kiaj la Giganta Velsimila Shtono, Granda Budhosimila Roko kaj Dia Elefanto Trinkanta Akvon.

    Pasinte preter la Dia Elefanto Trinkanta Akvon, niaj boatoj shanghis la direkton che la kurbigho de la rivero. Antau ni aperis la plej granda vilagho de jau-oj borde de la rivero. La vilaghaj "regho" kaj "floro" kaj aliaj gvidataj de ili bonvenigis nin che la rivero. Tuj kiam ni surbordighis, ili proponis al ni vinon kaj prezentis por ni interesajn tradiciajn morojn porti novedzinon surdorse, danci rondan dancon ktp.

    Unu el ni estis elektita kiel "novedzo" kaj spertis la moron porti novedzinon surdorse. Gvidate de la "regho", li unue kondukis la "novedzinon" kun rugha tuko sur la kapo al la bordo de la rivero por lavi al shi la manojn kaj poste shin surdorsigis. Sed li, kvankam alta kaj forta, 2-foje faligis la "novedzinon" surteren. Chiufoje oni trinkigis al li 3 tasojn da vino kaj shminkis lin. Feliche, la "novedzino" ne falis en la 3-a fojo, alie la "novedzo" estus jhetita en la riveron, kiel edzo nekompetenta. Kiam li portis shin surdorse al difinita loko, ili ambau riverencis al la chielo kaj tero unue kaj poste unu al la alia. Post kiam la "novedzo" deprenis la rughan tukon de sur la kapo de la "novedzino", shi kondukis lin al la bordo de la rivero kaj lavis al li la vizaghon. Tio nomighas aspergo per felicha akvo.

    Spertinte la popolan moron, ni denove enboatighis kaj daurigis nian vojaghon. Tiam jau-aj knabinoj kolektighis sur la bordo de la rivero kaj aspergis nin per rivera akvo.

    CHARMAJ PEJZAGHOJ

    Veturinte de la fonto de Zijiang-rivero suden je 70 km, ni vizitis Lingqu-kanalon fositan antau 2000 jaroj. Poste ni vojaghis al Guilin kun la plej bela pejzagho en Chinio.

    Lijiang-rivero, kiu pro Guilin ghuas grandan famon, fluas 84 km de Guilin al Yangshuo. Ghi, kiel verda rubando, zigzagas inter montoj. Ambauflanke de ghi staras kuriozaj montpintoj kaj prosperas verdajhoj.

    Ni vizitis chefe la pitoreskan monton Guanyan, nove ekspluatitan, che la meza parto de Lijiang-rivero. Ghi similas al imperiestra krono de la antikva Chinio. En la kaverno murmuras subtera rivero longa je pli ol 10 km kaj estas stalaktitoj, stalagmitoj kaj lafoj similaj al kurteno, kolono kaj floro.

    Tiutage ni tranoktis en Yunwu-hotelo proksime de la rivero. La domoj havas blankajn murojn kaj bluajn tegolojn kaj distingighas per arkitektura stilo de norda Guangxi. Chirkau la hotelo charmas montpintoj kaj dissemighas vilaghoj sur la kampoj.

    Vizitinte Lijiang-riveron, ni veturis al Fengyu-kavernaro 50 km fore. La subtera rivero en ghi abundas je fishoj. Kun longo de 5.3 km la kavernaro interligighas kun 9 montoj. En ghi trovighas dekoj da kavernoj grandaj kaj malgrandaj. La plej granda el ili areas 25 500 kvadratajn metrojn, kun alto de 3 m, kaj nomighas la Unua Kaverno de Azio. Nun oni jam malfermis en la kavernaro pli ol 200 vidindajhojn, el kiuj la plej majestaj estas Regno de Pagodoj, Paradizo de Mirakloj, Fea Lando Penglai...

    *******

    Dum tiuj 10 tagoj ni vojaghis en 8 gubernioj kaj 2 urboj en la meza kaj norda partoj de Guangxi. Ni ghuis tieajn charmajn kaj kuriozajn pejzaghojn kaj spertis diversajn popolajn morojn. Se vi havas shancon viziti Guilin, vojaghu pli foren kaj vi havos pli interesajn kaj pli belajn travivajhojn.