La alloga personeco de Ma Hua konsistigis kernon de shia instrua stilo, kaj la kerno brilas per la homa brilo de vereco, humaneco kaj beleco.

    Oni estimis Ma Hua pro shia kompleta sindonemo al la kariero. Shi diris, ke shi ne havas apetiton nek dormemon antau ol plenumi la planitan laboron. Shi tre akcentis memkulturon kaj legis “Fundamento de Fizika Kulturo”, “Anatomio”, “Nutrologio”, “Fiziologio de Sporto” k.s. Konforme al la korpotrajtoj kaj kutimoj en manghado de la chinoj, shi ellaboris trejnan planon. Shi multe prizorgis la projekton de la movoj, la fortecon de la movoj kaj muzikon akcentante sciencecon. Sed shi kontrauscience antaupagis sian energion. En la fino de 2000 shi partoprenis en filmado de “Bonan matenon, Chinio”. Post nelonge shin atakis febro. Mark diris, ke filmado en tri monatoj tro lacigis shin kaj li volis chesigi shian partoprenon de la filmado. Sed shi persiste laboris ghis la fino de la filmado en la 18-a de februaro de 2001. En la sekvanta tago shi vizitis kuraciston kaj ekzameno estis terura: Shi suferis leukemion de malfrua periodo kaj ankau infektighon de pulmo. Kvankam mjelo de shia frato estis tauga por grefto, tamen la shanco de grefto jam preterglitis.

    Che la forpaso Ma Hua montris grandan zorgon pri la 3 kriplaj katetoj atentigante, ke la familianoj bone prizorgu ilin. Denaske shi estis simpatia. Kiam shi estis knabineto kaj vidis malsatan infanon en filmo, shi plore petis la patrinon, ke tiu manghu en ilia hejmo. Shi estis amika al la vivo kaj esperis ke chiuj egale ghuos sanan kaj belan vivon. Pro tio shi ekstreme simpatiis bestetojn forjhetitajn pro sia kripleco. Kaj la surda kato, kiu kvazau antausentis ion malfelichan, mortis antau shi. Ghi ne povis elteni vivon sen shia prizorgo kaj iris akompani shin.

Gimnastika klubo de Ma Hua

    Ma Hua amis infanojn, sed shi mem ne havis infanon pro manko de tempo. Mark bedauris pro tio. Se Ma Hua havus infanon, shi povus ripozi 1-2 jarojn pro nasko kaj eble shi ne mortus. Sed ili havis infanon en alia senco: en la 22-a de novembro de 1998, nome ankau la datreveno de la naskigho de Ma Hua, fondighis Gimnastika Klubo de Ma Hua. Tio estis donaco de Mark por la naskightago de Ma Hua.

    La saniga metodo de Ma Hua kreighis por la chinoj konforme al la bezono de la plano por la tuta popolo de Chinio. Dum longtempa praktikado iom post iom kompletighis la sistemo. Konsilate de amikoj, Mark intencis fondi klubon konforman al la cirkonstancoj de Chinio: altkvalita instruado, sed malalta pago.

    Ma Hua estis terure okupita kaj ne havis tempon por prizorgi fodighon de la klubo. Do Mark prenis sur sin tiun pezan laboron. Li diris, ke antaue li amis Ma Hua, sed nun ankau shian karieron. Li forlasis sian profesion kaj ekskluzive penadis por la fodigho de la klubo.

    La klubo montris fortan vivipovon dank' al la prizorgo de la geedzoj. Nun la klubo aghis 5 jarojn kaj multaj kursanoj kolektighis por la celebrado.

    Mark pretigis grandegan torton. Oni bruligis kandelojn, vokis la nomon de Ma Hua kaj kantis naskightagan kanton.

    Ma Hua audis kaj kvazau volis eliri el la foto por dividi la ghojon kun la amikoj. Kvazau shi jhus finis gimnastikon kaj montris nenian lacon. Shi ghoje rigardis la dancon kaj gimnastikon de la kursanoj. Antaue shi instruis tion al la kursanoj, kaj nun la kursanoj prezentis antau la trejnistino.

    Ma Hua estis pli kontenta pri tio, ke Mark akcentis servon al la publiko. Li promesis persisti en tiu servo. Dank' al tiu principo la klubo servis al pli ol 900 mil homoj de diversaj aghoj kaj diversaj profesioj. Inter ili estis 85-jarulo, infanoj kaj personoj el pli ol 40 landoj. En la pasintaj 5 jaroj la klubo kulturis pli ol 200 trejnistojn, kiuj servas en gimnastejoj trovighantaj tra Pekino, kaj la nombro de gimnastejoj kreskis de 1 ghis 400.

    Kompreneble kreskon de nombro de gimnastejoj sekvis inkandeskigho de konkurenco. En tio pereis parto de ili. Mark atentigis aliajn: “En progreso ni devas antauvidi eventualan malfacilon. Konkurenco estas senkompata. Akvo subportas kaj ankau povas dronigi shipon. Ni figuras la publikon akvo. Kvalito estas bazo de ekzisto. Kaj ni devas lerni sindonemon de Ma Hua en la kariero.”

    Sekve la klubo ofte petis opiniojn de trejnatoj. Foje en ekzameno de praktika leciono nova trejnistino chiam tenis rideton en auskultado de opinioj de la trejnatoj. Sed kiam shi revenis en sian chambron, shi ekploregis. Tiam oni rakontis al shi pri Ma Hua, kiu ne ekscitighis pro sukceso nek pro chagreno.

    Tiam la klubo intence aranghis vid-al-vidan interfluon de trejnatoj kaj trejnistino. Kaj la plej arda deziro de la trejnatoj estis, ke chiuj trejnistoj havu originalajn instruan stilon kaj sanan personecon kiel Ma Hua. Kaj ili tre shatis trejnistinon Bing Ling, iaman lernanton de Ma Hua.

    Ankau Xiao Jing, unuaklasa gimnastika trejnistino, estis lernanto de Ma Hua. Shi profunde komprenis tian interfluon. Shi diris: “Estas bona afero, ke la trejnatoj komparas nin kun Ma Hua. Shi estis startpunkto de sukceso, kaj ni novaj trejnistoj, postulate de kursanoj, devas senchese penadi imite al shi, kaj la formita linio estas daurigo de shia neplenumita deziro.”

    En la vestiblo de la klubo pendas foto de Ma Hua. Shi bonvenigas la alvenantojn kaj benas ilin chiam montrante rideton.

    Chiuj kursanoj kredas, ke Ma Hua ne mortis. Shia sindonemo al la kariero, shia koncepto pri gimnastiko kaj shia gimnastika sistemo jam farighis animo de la klubo. La klubo ja estas infano de la geedzoj Mark kaj Ma Hua, infano de la saniga movado de la chinoj. Dank' al la prizorgo de la popolo, la infano sane kreskas kaj dissemos, kulturos kaj rikoltos belecon same kiel sia patrino.