En la china vejchi-a rondo estas fama la vejchi-ista geedza paro Rui Naiwei kaj Jiang Zhujiu, kiuj akiris bonan sukceson en pluraj mondaj konkursoj. Rui Naiwei plurfoje gajnis championecon kaj oni nomas shin magia sportistino che vejchi- tabulo. En 1990 ili veturis eksterlanden unu post la alia kaj vizitis Japanion, Usonon kaj Koreion respektive kaj fine farighis membroj de la Vejchi-a Asocio de Koreio kaj plurfoje partoprenis mondan konkurson en la nomo de koreaj vejchi-istoj.

     Kvankam ili geedzighis antau longe, tamen ili estas intimaj kiel novgeedzoj, varme amantaj unu la alian. Ili ofte kune ludas vejchion, kune vizitas librovendejon kaj magazenon kaj kune faras aliajn aferojn. Kiam unu el ili partoprenas konkurson, la alia certe atendas ekstere.

Silenta reciproka kompreno

     La 12-an de marto, 2003, iris duonfinalo de Monda Virina Vejchi-a Konkurso por la Cheong-Kwan-Jang-a Pokalo. Char Rui Naiwei venkis antauvespere, tial se shi venkos ankau en tiu tago, shi ricevos rajton por la finalo.

     Lau kutimo, kiam Rui partoprenis konkurson, shia edzo Jiang Zhujiu certe rigardis la konkurson en televido en alia chambro. Ech se iu ajn lin elvokas por intervjui lin, li certe revenas por informighi pri la matcho, sed tiutage li estis en hezito, kaj oni sciis, ke la kauzo estas, ke Rui ankorau ne finis la matchon.

     En tiu momento oni diris al li: “S-ro Jiang, Rui venkis kaj eliris.” La intervjuisto pensis en si, ke informighinte pri venko de la edzino, Jiang eble trankvile respondos la demandojn, sed tute ekster lia atendo, Jiang tuj kuris al la konkursejo, kaj la intervjuisto sekvis lin. Tiam Rui eliris chirkauita de amaso da homoj. Oni vidis, ke shi certe serchis ion en la homamaso. Kiam shia rigardo renkontis tiun de Jiang, shi komencis kviete respondi aliajn. Ghuste en la momento, kiam shi movis sian rigardon for de Jiang, tiu diris al la intervjuisto, ke la intervjuo povas dauri. Tio profunde impresis la intervjuiston. Oni pensis, ke se Rui ne trovus Jiang, shi certe ne havus humoron por fari ion.

     Dume la konduto de Jiang estis tute simila al la edzina. Li ne toleris, ke li ne vidis la edzinon post la konkurso, sed post la konkurso ili ofte diris nenion, sed nur rigardis unu la alian je 5-6 metroj inter si.

     Poste mi interparolis kun Jiang pri ilia senparola intershangho. Jiang diris, ke se la intervjuisto ne malkovrus tion, li mem ne konscius pri sia kutimo. Rememorante, li diris, ke chiufoje post la konkurso li volis tuj vidi la edzinon, kaj se ne estis shancho por interparoli, ili do reciprokis rigardojn.

Jiang solvas chiujn malfacilojn

     Rui estas homo simpla. Shi chiam atente kaj detale respondas demandojn de intervjuistoj. Iam shi pauzas longe por serchi trafan respondon, sed kiam apudestas Jiang, shi estas aplomba ech antau malfacilaj demandoj, kaj tiam anstatau shi respondas Jiang. Pri tio shi diris: "En la hejmo chiuj malfaciloj solvighas de Jiang." Kaj Jiang diris: "Mia plej bona subteno al shi estas ke mi respondas chiujn malfacilajn demandojn."

     Tiaokaze Jiang povas respondi lauvole. Foje oni diris, ke Rui estas homo simpla, sed Jiang shercis: "Ho jes. Shi estas simpla kaj stulta." Rui ja opinias, ke kvankam shi plurfoje venkis altklasajn vejchi-istojn de Koreio, sed shi opinias, ke en la sfero de vejchi-ludo la virinoj malfacile venkas la virojn. Shi opinias, ke en la spaca pensado la virinoj estas malpli kapablaj ol la viroj. Shi diris, ke sen vejchi-tabulo shi ne povas ghuste reaperigi la ludon, sed multaj viroj povas meti la vejchi-tabulon en la memoro kaj ludi vejchi-on tute sen tabulo.

Ludi vejchi-on estas felicho

     Kio estas felicho? Pri tiu demando Jiang kaj Rui senpripense respondis: "Ludi vejchi-on." Jiang diris: "Rui neniam forlasis vejchi-on. Shi diligente lernis kaj lernas la ludadon. Oni opinias, ke tio estas shia ambicio. Sed mi atribuas shian diligentecon al hobio. Shi neniam lacighas de la aferoj koncernantaj vejchi-on, kaj tial mi opinias, ke ludi vejchi-on, tre shatatan de shi, estas granda felicho."

     Estas ankau alia afero felichiga por ili. Tio estas partopreni vejchi-an konkurson en Chinio. Chi-foje en intertempo de la Monda Virina Vejchi-a Konkurso por la Cheong-Kwan-Jang-a Pokalo gvidanto de la Henan-a Vejchi-a Teamo petis Rui Naiwei alighi al la Henan-a teamo, Rui tuj konsentis. Ankau Jiang volontis partopreni la chi-jaran konkurson en la nomo de la Jiangxi-a Teamo, char ili aspiris partopreni konkurson en la patrio.

     Koncerne ilian familian vivon, tiu geedza paro estas neniom diferenca de aliaj. Hejme Rui bonordigas la chambrojn, lavas vestojn kaj faras aliajn. Shi faras hejmajn laborojn pli multe ol Jiang, kaj plie, shi estas lerta en kuirarto. Jiang opinias, ke shi estas talenta en la kuirado kaj povas prepari festenon ech por 10 personoj.

     Kion do Jiang faras hejme? Li faras malpli multe ol la edzino. Se ili vizitas kinejon, chiam elektas filmon la edzo.